سٹی ایکسپریس نیوز
اننت ناگ، 12 مئی،2026: جنوبی کشمیر کے اننت ناگ ضلع میں منگل کو ایک دارالعلوم میں زبردست آگ لگنے سے ایک 12 سالہ لڑکا ہلاک اور تین دیگر زخمی ہو گئے۔
ایک اہلکار نے بتایا کہ پرانا متن اڈہ میں فیضان بابا حیدر رشی دارالعلوم میں آگ بھڑک اٹھی، جس سے چار لڑکے جھلس کر زخمی ہوگئے، جس کے بعد ریسکیو آپریشن شروع کیا گیا۔
انہوں نے بتایا کہ زخمیوں کو جی ایم سی اننت ناگ منتقل کیا گیا، جہاں ان میں سے ایک زخموں کی تاب نہ لاتے ہوئے چل بسا۔
اہلکار نے بتایا، "ہلاک ہونے والوں کی شناخت بلال احمد (12) ولد محمد اکبر وڈوان کے رہائشی کے طور پر کی گئی ہے، جب کہ زخمیوں کی شناخت ثابت فیاض اور ساحل احمد، دونوں سنگلدان کے رہنے والے، اور عرفان احمد ساکنہ پہلگام کے طور پر ہوئی ہے۔”
ادھر پولیس نے واقعہ کا نوٹس لے لیا ہے۔
About the Author
