سٹی ایکسپریس نیوز
بڈگام، 6 اگست، 2025: وسطی کشمیر کے بڈگام ضلع کے بیرواہ قصبے میں آج کئی خواتین نے سمارٹ بجلی میٹروں کی تنصیب کے خلاف احتجاج کیا۔ درجنوں خواتین سڑکوں پر نکل آئیں، انتظامیہ کے خلاف نعرے بازی کی اور کئی گھنٹے تک مین روڈ بلاک کر کے رکھ دی۔
عینی شاہدین نے نیوز ایجنسی کو بتایا کہ مظاہرین نے حکام پر “غریبوں پر زبردستی سمارٹ میٹر لگانے” کا الزام لگایا اور کہا کہ یہ میٹر ناقابل برداشت بجلی کے بلوں کا باعث بن رہے ہیں۔
ایک خاتون مظاہرین نے کہا، “ہم غریب لوگ ہیں، ہم سمارٹ میٹروں سے پیدا ہونے والے بھاری بلوں کو برداشت نہیں کر سکتے۔” مظاہرے کے دوران، متعدد خواتین نے پہلے سے نصب شدہ میٹر واپس کر دیے، اور علامتی طور پر انہیں “عوام کی طرف سے مسترد کر دیا گیا” قرار دیا۔
احتجاج کے باعث کئی گھنٹوں تک ٹریفک کی روانی میں خلل پڑا۔ مظاہرین نے خبردار کیا کہ اگر ان کے مطالبات نہ مانے گئے تو آنے والے دنوں میں احتجاج میں شدت لائی جائے گی۔ ابھی تک اس معاملے پر مقامی انتظامیہ کی جانب سے کوئی سرکاری ردعمل سامنے نہیں آیا ہے۔ (کے این ٹی)
About the Author
