سٹی ایکسپریس نیوز
سری نگر، 3 نومبر.2025: جموں و کشمیر کی حکومت نے مہاتما گاندھی نریگا کارکنوں کے ای-کے وائی سی عمل کو مکمل کرنے میں ان کی ناقص کارکردگی کے سبب 18 بلاک ڈیولپمنٹ آفیسرز (بی ڈی اوز) کی تنخواہیں روکنے کا حکم دیا ہے، اسے سرکاری فرائض میں سنگین کوتاہی قرار دیا ہے۔
حکومت کے سکریٹری کے ذریعہ جاری کردہ یہ حکم 2 نومبر 2025 کو منعقدہ ایک تفصیلی جائزہ میٹنگ کے بعد دیا گیا، جس میں یہ دیکھا گیا کہ کئی بلاکس نے یونین ٹیریٹری کی اوسط 49.68 فیصد سے بہت کم کارکردگی کا مظاہرہ کیا ہے۔ پیش رفت کی کمی کو متعلقہ افسران کی جانب سے "فرض سے غفلت” قرار دیا گیا۔
حکم نامے کے مطابق کپواڑہ، ترہگام، راجواڑہ، ہیری قادری آباد، پنتھل، کالاروس، ہاروان، سوگام، ماور قلم آباد، کرالپورہ، رامہال، ماگام، نادیہال، کھون موہ، ریڈی چوکیبل، قاضی آباد، سری نگر اور ٹھکرا کوٹ کے بی ڈی اوز کو ہدایت کی گئی ہے کہ ان کی تنخواہیں اکتوبر2025 تک ان کی تنخواہیں بھی جاری نہیں کی جائیں گی۔ ای-کے وائی سی کے اہداف مکمل طور پر حاصل ہونے تک روکے گئے ہیں۔
ہدایت نامہ جموں و کشمیر کے تمام اضلاع میں منریگا کے تحت ڈیجیٹل تصدیق کی بروقت تکمیل اور جوابدہی کے لیے حکومت کے دباؤ کی نشاندہی کرتا ہے۔
About the Author
