سری نگر، 16 نومبر,2026: حکام نے پیر کے روز بتایا کہ سری نگر شہر کے مضافات میں واقع زکورہ پیٹرول پمپ کے قریب ایک شخص گاڑی کی زد میں آکر ہلاک ہو گیا۔ ایک عہدیدار نے خبر رساں ایجنسی کو بتایا کہ مذکورہ شخص سڑک کے کنارے زخمی حالت میں پایا گیا، جسے بعد ازاں علاج کے لیے ہسپتال منتقل کیا گیا۔ عہدیدار کے مطابق، مذکورہ شخص کو ایک گاڑی نے ٹکر مار دی تھی، جس کے بعد وہ سڑک کے کنارے گر گیا۔ تاہم، ہسپتال پہنچنے پر ڈاکٹروں نے اسے مردہ قرار دے دیا۔ انہوں نے مزید کہا کہ متوفی کی شناخت معلوم کرنے کی کوشش کی جا رہی ہے، جبکہ واقعے کی تحقیقات شروع کر دی گئی ہیں۔