سٹی ایکسپریس نیوز
گاندربل، 10 ستمبر،2025: حکام نے وسطی کشمیر کے گاندربل ضلع کے کنگن علاقے میں تین ریستوراں کے لائسنس اس وقت معطل کر دیے ہیں جب ان سے جمع کیے گئے کھانے کے نمونے لیبارٹری ٹیسٹنگ کے دوران غیر معیاری پائے گئے۔
انچارج فوڈ انسپکٹر فیاض احمد نے خبر رساں ایجنسی کو معطلی کی تصدیق کرتے ہوئے بتایا کہ معمول کی جانچ کے لیے کنگن کے کئی ریستورانوں سے نمونے اٹھائے گئے تھے۔ انہوں نے کہا کہ نمونے لیبارٹری میں بھیجے گئے اور رپورٹس میں بے ضابطگیوں کے بعد تین ریسٹورنٹس کے لائسنس معطل کر دیے گئے۔
انہوں نے مزید کہا کہ متعلقہ اداروں کے خلاف فوڈ ایکٹ کے تحت قانونی کارروائی شروع کی جائے گی۔
جن ریسٹورنٹس کے لائسنس معطل کیے گئے ہیں ان میں شاہی تہذیب، پٹھان ریسٹورنٹ اور بجاد ریسٹورنٹ شامل ہیں۔ (ایجنسیاں)
About the Author
