ڈوڈہ، 13 اکتوبر: منگل کی صبح ڈوڈہ-بھدرواہ روڈ پر کھیلی کے قریب ایک منی بس کے الٹ جانے سے اس میں سوار کئی مسافر زخمی ہو گئے۔ حکام نے خبر رساں ایجنسی کو بتایا کہ منی بس ڈوڈہ سے بھدرواہ جا رہی تھی کہ کھیلی کے علاقے کے قریب الٹ گئی، جس کے نتیجے میں اس میں سوار کئی مسافر زخمی ہو گئے۔ حادثے کے فوراً بعد مقامی لوگ اور پولیس جائے وقوعہ پر پہنچے اور زخمیوں کو علاج کے لیے قریبی ہسپتال منتقل کیا۔ انہوں نے بتایا کہ زخمیوں کی حالت مستحکم ہے اور پولیس نے واقعے کا نوٹس لے لیا ہے۔ مزید تفصیلات کا انتظار ہے۔
