495

قاضی آبادکے مضافاتی گاﺅںمیں ریچھ کاحملہ

ایک شخص شدیدزخمی ،علاقہ میں خوف وہراس کی لہر
ایم آرالٰہی
لنگیٹ :۸،ستمبر: سرحدی ضلع کپوارہ میں ریچھ کے اچانک حملے میں ایک شخص شدیدزخمی ہوگیا۔ یہ واقعہ ضلع کپوارہ کے ہارویٹھ نامی ایک بالائی علاقہ میں پیش آیا ،جہاں بدھ کے روز ایک خونخوار ریچھ نے ایک شہری محمد جمال گنائی ولد مختار احمدگنائی ساکنہ ہارویٹھ قاضی آباد ہندوارہ پر اچانک حملہ کرکے اُسے شدیدزخمی کردیا۔ریچھ کے حملے میں زخمی ہوئے شخص کوپہلے نزدیک ہی واقع پرائمری ہیلتھ سینٹر عشہ پورہ (باقی۸پر
پہنچایاگیا ،جہاں مرہم پٹی کے بعداس کومزیدعلاج ومعالجہ کیلئے ضلع اسپتال ہندوارہ منتقل کیاگیا۔اس واقعے کے بعد ہارویٹھ اورعلاقہ قاضی آبادکے بالائی علاقوںمیں خوف وہراس کی لہردوڑ گئی ،کیونکہ لوگو ں کواندیشہ ہے کہ مکی کی فصل تیار ہونے کے پیش نظر نزدیکی جنگلوں سے ریچھ اوردوسرے جنگلی جانور آبادی والے علاقوںکارُخ کرچکے ہیں ۔جنگلوںکے نزدیک واقع دیہات کے لوگوںنے محکمہ وائلڈ لائف کے حکام سے اپیل کی کہ بستیوںکے نزدیک ممکنہ طورپرچھپے ریچھوں اوردوسرے جنگلی جانوروںکوپکڑنے کیلئے فوری طورپرٹیمیں متحرک کریں

اس خبر پر اپنی رائے کا اظہار کریں