دنیا کی بلندترین ٹنل کیلئے پہلا دھماکہ کریں گے
نیوز سروس
سری نگر :۵۲،جولائی : وزیراعظم نریندر مودی کارگل جنگ کے 25 برس مکمل ہونے پر’کارگل وجے دیوس‘کے موقعہ پرآج 26جولائی بروزجمعہ کو کارگل کادورہ گریں گے۔ 1999 میں پاکستان پر ہندوستان کی فتح کی سلور جوبلی یعنی25سال مکمل ہونے کے موقعے پر شاندار تقریبات24 سے 26 جولائی تک کارگل کے دراس میں منعقد ہونے والی ہیں۔اس دوران وزیراعظم کے کارگل دورے کے پیش نظرکشمیر میں سیکورٹی انتظامات سخت کر دئیے گئے ہیں۔ملی تفصیلات کے مطابق وزیراعظم مودی اپنے کارگل دورے کے دوران لداخ خطے میں ویڈیوکانفرنسنگ کے ذریعے دنیا کے بلندترین شنکن لاٹنل پروجیکٹ کاپہلا دھماکہ کریں گے۔شنکن لاٹنل پروجیکٹ میں4.1کلومیٹر طویل ڈبل ٹنل سسٹم بنایا جائے گا۔سرکاری ذرائع کے مطابق یہ ٹنل نیمو ،پدم،درچہ روڈپرتقریباً15ہزار800فٹ کی اونچائی پر تعمیرکی جارہی ہے۔حکومت کاکہناہے کہ شنکن لاٹنل مسلح افواج اورآلات کی تیز رفتاراورموثر نقل وحرکت کویقینی بنائے گی اورلیہ کیلئے ہرموسم میں ٹریفک کی سہولیت کو یقینی بناکرلداخ میں اقتصادی اورسماجی ترقی کوفروغ دے گی ۔نئی دہلی میں وزیراعظم کے دفترسے جاری ایک بیان کے مطابق وزیراعظم نریندر مودی 26جولائی بروزجمعہ کو صبح تقریباً 9بجکر20منٹ پر کارگل جنگ کی یادگار کا دورہ کریں گے اور ان بہادروں کو خراج عقیدت پیش کریں گے جنہوں نے ڈیوٹی کے دوران قربانیاں دیں۔ سرکاری ذرائع نے بتایا کہ وزیر اعظم جمعہ کی صبح ہوائی جہاز کے ذریعہ سری نگر پہنچیں گے اور پھر ہیلی کاپٹر کے ذریعے کرگل ضلع کے دراس جائیں گے جہاں کارگل جنگ میں شہید فوجی جوانوں کو خراج عقیدت پیش کریں گے۔وزیر اعظم نریندر مودی کے دورہ دراس کی تیاریوں کے سلسلے میں کشمیر بھر میں سیکورٹی کو کافی سخت کر دیا گیا ہے۔ سری نگر میں سیکورٹی اہلکاروں کی طرف سے دو پہیہ گاڑیوں کی چیکنگ شروع کی گئی ہے۔حکام نے بتایا کہ سیکورٹی اہلکاروں کو چوکس رہنے اور نگرانی بڑھانے کی ہدایت دی گئی ہے۔یادرہے کارگل وجے دیوس ہر سال26 جولائی کو ہندوستانی فوجیوں کی یاد میں منایا جاتا ہے جو 1999 میں پاکستان کے ساتھ جنگ میں جاں بحق ہوگئے تھے۔ وجے دیوس کی تقریب میں فوج اور ان کے اہل خانہ کے ذریعہ شہیدجوانوں کو خراج عقیدت پیش کیا جاتا ہے۔ تقریب 24 جون کو شروع ہوتی ہے اور 26 جون کو وزیر اعظم یا وزیر دفاع کے دورے پر اختتام پذیر ہوتی ہے۔دراس میں کارگل وار میموریل کو وزیر اعظم کے دورے کےلئے سجایا گیا ہے۔لداخ کے لیفٹیننٹ گورنر، بریگیڈیئر (ڈاکٹر) بی ڈی مشرا (ریٹائرڈ) نے دورے کے انتظامات کا جائزہ لیا۔ عہدیداروں نے بتایا کہ ایل جی نے میموریل کے مختلف مقامات کا دورہ کیا اور میموریل کے انتظامات کا جائزہ لیا تاکہ اس بات کو یقینی بنایا جاسکے کہ تمام تیاریاں مکمل ہیں۔جی او سی، 8ماو¿نٹین ڈویڑن، میجر جنرل سچن ملک نے ایل جی کو تیاریوں اور انتظامات پر بریفنگ دی، جبکہ جی او سی، 14 کور، لیفٹیننٹ جنرل ہتیش بھلا، جی او سی، 8ماو¿نٹین ڈویڑن، میجر جنرل سچن ملک، اے ڈی جی پی، لداخ، ڈاکٹر ایس ڈی سنگھ جموال، ڈپٹی کمشنر، کرگل، شری کانت سوسے دورے کے دوران ایل جی کے ساتھ تھے۔
