اگلے 3 سے4 دن شدید گرمی
خطہ کشمیر میں فوری بارش کے امکانات نمایاں طور پر کم :کشمیر ویدر
رواں گرم اور مرطوب موسم میں کسی تبدیلی کی توقع نہیں:ڈاکٹر مختار
نیوز سروس
سری نگر :۵۲،جولائی : پیش گوئی کرنے والے ماہرین کے ایک آزاد گروپ ’کشمیر ویدر‘ نے کشمیر میں ریکارڈ توڑ گرمی کی لہر کی پیشگوئی کرتے ہوئے جمعرات کو خبردارکیا کہ کچھ برس قبل تک معتدل آب وہوا کیلئے مشہور کشمیر وادی میں اگلے 3 سے4 دنوں میں شدید گرمی کی لہر متوقع ہے۔کشمیر ویدرنے اپنے ایک بیان میں کہاہے کہ موسمیاتی مثل یاآثار وورائین نے خطہ کشمیر میں بارش کے امکانات کو نمایاں طور پر کم کر دیا ہے، جو کہ گرم، خشک حالات کے طویل عرصے تک رہنے کی نشاندہی کرتا ہے۔درجہ حرارت ممکنہ طور پر ریکارڈ توڑنے والی سطح پر چڑھنے کی پیش گوئی کی گئی ہے۔اگرچہ پیش گوئی بنیادی طور پر خشک موسم کی پیش گوئی کرتی ہے،تاہم الگ تھلگ گرج چمک کےساتھ بارش کو مکمل طور پر مسترد نہیں کیا جا سکتا۔ ماہرین کے ایک آزاد گروپ ’کشمیر ویدر‘ نے مزید کہاہے کہ لوگوں کو مشورہ دیا جاتا ہے کہ وہ گرمی سے متعلق بیماریوں سے بچاو¿ کےلئے احتیاطی تدابیر اختیار کریں اور خاص طور پر دوپہر 12 بجے سے سہ پہر 3 بجے کے درمیان غیر ضروری طور پر دھوپ میں نکلنے سے گریز کریں۔اس دوران علاقائی موسمیاتی مرکز سری نگرکے ڈائریکٹرڈاکٹر مختار نے کہاکہ گرمی کی لہرمیں فوری طورپرکسی کمی کاامکان نہیں ہے ۔انہوں نے کہاکہ کشمیر وادی میں 26جولائی تک گرمی کی لہربرقراررہنے طے ہے اور27جولائی سے موسم میں تبدیلی کاامکان ہے ۔لیکن ڈاکٹر مختار نے ساتھ ہی واضح کیاکہ 27جولائی سے جموں خطے میں بارشوں کاایک اور سلسلہ شروع ہونے کاامکان ہے لیکن کشمیرمیں رواں گرم اور مرطوب موسم میں کسی تبدیلی کی توقع نہیں گرچہ کہیں کہیں ہلکی بارش ہوسکتی ہے ۔
