ریاستی حیثیت سمیت اہم معاملات پر تبادلہ خیال
یہ کوششیں جموں و کشمیر کے لوگوں کو فائدہ پہنچاتی رہیں گی: عمر عبداللہ
آج وزیراعلیٰ عمرعباللہ کی وزیر خزانہ نرملا سیتا رمن سے ملاقات
نیوزسروس
سری نگر:۹۱،دسمبر :جموں و کشمیر کے وزیر اعلیٰ عمر عبداللہ نے جمعرات کو نئی دہلی میں مرکزی وزیر داخلہ امیت شاہ سے ملاقات کی اور ریاست کی جلد بحالی سمیت کئی اہم امور پر تبادلہ خیال کیا۔مرکزی زیرانتظا،م علاقہ جموں و کشمیر کے پہلے وزیر اعلیٰ کا عہدہ سنبھالنے کے بعد عمرعبداللہ کی مرکزی وزیر کے ساتھ یہ دوسری ملاقات ہے۔وزیر اعلیٰ عمرعبداللہ جموں و کشمیر میں ریاست کی جلد بحالی کے بارے میں پرامید ہیں اور شاید ایک ممکنہ ٹائم لائن پر کام کریں گے۔اس مسئلے کے علاوہ، وزیراعلیٰ مختلف محکموں پر منتخب حکومت کے اختیارات کا واضح احساس حاصل کرنے کےلئے ٹرانزیکشن آف بزنس رولز (TBR) پر بھی وضاحت طلب کریں گے۔مرکزی وزیرداخلہ امت شاہ کیساتھ میٹنگ کے بعد وزیر اعلیٰ عمر عبداللہ نے کہاکہ جموں و کشمیر کی ریاستی حیثیت کی بحالی سمیت کشمیر کی صورتحال پر بات چیت جاری ہے۔ امید ہے کہ یہ کوششیں جموں و کشمیر کے لوگوں کو فائدہ پہنچاتی رہیں گی اور اس کی ریاست کی بحالی کا باعث بنیں گی ۔عمر عبداللہ نے جلد از جلد حل کے بارے میں امید ظاہر کی اور اس کا مقصد ریاست کی بحالی کے لئے ایک ٹھوس ٹائم لائن قائم کرنا تھا۔ مزید برآں، انہوں نے مختلف محکموں پر منتخب حکومت کے اختیار کے دائرہ کار کو بہتر طور پر سمجھنے کے لیے ٹرانزیکشن آف بزنس رولز (TBR) پر وضاحت طلب کی۔بدھ کے روزنئی دہلی میںکنفیڈریشن آف انڈین انڈسٹری کے زیر اہتمام 18ویں سالانہ ٹورازم سمٹ 2024 سے خطاب کرتے ہوئے وزیر اعلیٰ عمرعبداللہ نے وزیرداخلہ امت شاہ کےساتھ بات چیت کی اہمیت پر زور دیا۔ انہوں نے کہا کہ ریاست کی بحالی سمیت کئی اہم مسائل ہیں، جن کے لیے مرکزی وزیر داخلہ کی طرف سے وضاحت کی ضرورت ہے۔ وزیر اعلیٰ عمرعبداللہ کاکہناتھاکہ ایک یونین ٹیریٹری کے طور پر گورننس کی حرکیات نمایاں طور پر مختلف ہیں۔قبل ازیں عمرعبداللہ نے 16 اکتوبر کو عہدہ سنبھالنے کے بعد قومی دارالحکومت کے اپنے پہلے دورے کے دوران23 اکتوبر کو شاہ سے ملاقات کی تھی۔جب کہ اس ملاقات کو ایک شائستہ ملاقات کے طور پر دیکھا گیا، حکام نے کہا کہ عمرعبداللہ نے مرکزی وزیر داخلہ کو صورتحال سے آگاہ کیا اور ریاست کی بحالی کے مسئلہ پر بھی تبادلہ خیال کیا۔وزیر اعلیٰ عمر عبداللہ نے امت شاہ سے ملاقات کی، ریاست کی بحالی کے لیے ٹائم لائن مانگی۔اس دوران میڈیا رپورٹس میں بتایاگیاکہ وزیراعلیٰ عمر عبداللہ آج یعنی جمعہ کو راجستھان کے جیسلمیر میں مرکزی وزیر خزانہ نرملا سیتا رمن سے بھی ملاقات کرنے والے ہیں۔توقع ہے کہ وہ ریاست اور مرکز کے زیر انتظام علاقوں کے نمائندوں کی ایک کانفرنس میں شرکت کریں گے، جہاں وہ اگلے مالی سال میں جموں و کشمیر کے لیے کافی مالی گرانٹس کی وکالت کریں گے۔جموں و کشمیر کا موجودہ بجٹ 2024-25 کیلئے 1,18,390 کروڑ ہے، جو 2023-24 میں مختص کیے گئے 1,18,500 کروڑ سے تھوڑا کم ہے۔ 2022-23 کے مالی سال کے دوران،جموں وکشمیر کا بجٹ 1,12,950 کروڑ روپے تھا۔مرکزی حکومت کے وسائل پر خطے کے انحصار کو دیکھتے ہوئے، مرکزی بجٹ جموں و کشمیر کی ترقی کے لیے بہت اہمیت رکھتا ہے۔توقع ہے کہ اگلا بجٹ جموں و کشمیر کی قانون ساز اسمبلی میں جنوری کے آخر یا فروری 2024 کے شروع میں پیش کیا جائے گا۔
