7 دن کے علاج کےلئے ڈیڑھ لاکھ روپے تک کے اخراجات حکومت اُٹھائے گی
متوفین کے لواحقین کو2 لاکھ روپے کی رقم بطور ایکس گریشیا دی جائیگی:مرکزی وزیر نتن گڈکری
نیوزسروس
سری نگر:۸، جنوری:مرکزی وزیر نتن گڈکری نے’کیش لیس ٹریٹمنٹ’یعنی بغیر نقدی علاج اسکیم کا اعلان کیا ہے، جس کے تحت سڑک حادثے کے متاثرین کے7 دن کے علاج کےلئے ڈیڑھ لاکھ روپے تک کے اخراجات حکومت برداشت کرے گی۔ مرکزی وزیرٹرانسپورٹ اینڈ ہائی ویز نتن گڈکری نے کہاہے کہ اگر پولیس کو 24 گھنٹے کے اندر حادثے کی اطلاع دی جاتی ہے تو حکومت علاج کا خرچ برداشت کرے گی۔ مرکزی وزیر نے ہٹ اینڈ رن کیسوں میں مرنے والوں کے لواحقین کےلئے 2 لاکھ روپے کی ایکس گریشیا رقم کا بھی اعلان کیا۔ مرکزی روڈ ٹرانسپورٹ اینڈ ہائی ویز کے وزیر نے کہا کہ ہم نے کیش لیس علاج کےلئے ایک نئی اسکیم شروع کی ہے۔ اس میں اگر پولیس کو 24 گھنٹے کے اندر حادثے کی اطلاع ملتی ہے تو مریض یعنی زخمی کے7 دن کے علاج کے اخراجات یا زیادہ سے زیادہ 1.5 لاکھ روپے ہوں گے۔علاج کے لیے معاوضہ ادا کیا جائے گا۔انہوںنے مزیدکہاکہ ہم ہٹ اینڈ رن کیسز میں مرنے والوں کے لواحقین کیلئے2 لاکھ روپے بھی فراہم کریں گے۔مرکزی وزیر نتن گڈکری نے کہاکہ ہیلمٹ نہ پہننے کی وجہ سے 30 ہزار اموات ہوئی ہیں۔انہوں نے زور دے کرکہا کہ حکومت کی اولین ترجیح سڑک کی حفاظت ہے۔مرکزی وزیر نتن گڈکری نے اعداد و شمار کا بھی حوالہ دیا کہ 2024 میں تقریباًایک لاکھ80ہزار افراد سڑک حادثات میں اپنی جان سے ہاتھ دھو بیٹھے۔ ان میں سے30 ہزار اموات ہیلمٹ نہ پہننے کی وجہ سے ہوئیں۔ گڈکری نے کہا کہ سنگین بات یہ ہے کہ66 فیصد حادثات18 سے 34 سال کی عمر کے لوگوں کے درمیان ہوئے ہیں۔مرکزی وزیر نتن گڈکری نے تاسف کااظہار کرتے ہوئے کہاکہ ملک بھرمیں گزشتہ برس ہونے والے سڑک حادثات میں10 ہزار بچے ہلاک ہوئے۔گڈکری نے مزید کہا کہ اسکولوں اور کالجوں جیسے تعلیمی اداروں کے قریب داخلی اور خارجی راستوں پر ناکافی انتظامات کی وجہ سے سڑک حادثات میں 10 ہزار بچے ہلاک ہوچکے ہیں۔ انہوں نے کہاکہ ہمارے اسکولوں اور کالجوں کے سامنے ایگزٹ انٹری پوائنٹس پر مناسب انتظامات نہ ہونے کی وجہ سے 10ہزار بچے ہلاک ہوچکے ہیں۔ اسکولوں میں آٹورکشا اور منی بسوں کے لیے بھی قوانین بنائے گئے ہیں کیونکہ اس کی وجہ سے بہت زیادہ اموات ہوئی۔ سب نے مل کر فیصلہ کیا کہ ہم اسے کم کرنے کی کوشش کریں گے۔آپ کو بتاتے ہیں کہ یہ اعلان منگل کو دہلی کے بھارت منڈپم میں تمام ریاستوں اور مرکز کے زیر انتظام علاقوں کے ٹرانسپورٹ وزراءکے ساتھ مرکزی وزیر نتن گڈکری کی صدارت میں ہوئی میٹنگ کے بعد کیا گیا۔ میٹنگ کا مقصد مرکزی اور ریاستی حکومتوں کے درمیان باہمی تعاون کی کوششوں کو آسان بنانا اور ٹرانسپورٹ سے متعلق پالیسیوں پر تبادلہ خیال کرنا تھا۔
