موبائل فون کی قیمتوں میں کمی کا راستہ کھل گیا!،میڈاِن انڈیا تمام قسم کی الیکٹرانک مصنوعات سستی
نیوزسروس
سری نگر:یکم فروری:مرکزی وزیر خزانہ نرملا سیتا رمن نے ہفتہ کو اپنا لگاتار8واں بجٹ پیش کیا۔ انہوں نے کئی بڑے اعلانات کئے۔ اسے ملک میں موبائل اور ٹی وی سمیت الیکٹرانک مصنوعات سستی ہو جائیں گی۔کیا کیا سستا ہوا؟۔موبائل فون کی بیٹری،اسمارٹ فونز ،جیکٹ ، چمڑے کی مصنوعات بشمول جوتے، بیلٹ، پرس ،ای وی گاڑیاں،ایل سی ڈی،ہینڈلوم کپڑے36 کینسر کی دوائیں،طبی سامان ،ایل ای ڈی،میڈاِن انڈیا کپڑے،82 اشیاءپر سے سیس ہٹایا گیا۔کیا کیا مہنگا ہوا ؟۔انٹرایکٹو ڈسپلے پینل،پریمیم سمارٹ ڈسپلے،بنے ہوئے کپڑے (Knitted-Fabrics ) ،الیکٹرانک مصنوعات سستی ہوں گی۔بجٹ میں کئے گئے اعلان کے مطابق لیتھیم بیٹریز اور ٹی وی سمیت دیگر الیکٹرانک مصنوعات سستی ہو جائیں گی۔ اس کے علاوہ الیکٹرک کاریں بھی سستی ہو جائیں گی۔ موبائل سے لے کر ٹی وی تک ہر چیز سستی ہو جائے گی۔ ان پر کسٹم ڈیوٹی کم کر دی گئی ہے۔ یہی نہیں بلکہ بھارت میں بننے والی تمام قسم کی الیکٹرانک مصنوعات بھی سستی ہو جائیں گی۔ نیز، حکومت نے لیتھیم آئن بیٹری سکریپ، کوبالٹ پاو¿ڈر، زنک، لیڈ اور 12 دیگر اہم معدنیات کو بنیادی کسٹم ڈیوٹی (BCD) سے مستثنیٰ کرنے کا فیصلہ کیا ہے۔قابل ذکر ہے کہ موبائل کمپنیوں نے حکومت سے درآمدی ڈیوٹی کم کرنے کا مطالبہ کیا تھا۔ اس بارے میں ان کا کہنا تھا کہ اگر اسے کم کیا جائے تو صارفین کو فائدہ ہوگا۔ اس کے ساتھ ہی بجٹ میں ملک کے تمام سرکاری اسکولوں اور اسپتالوں کو انٹرنیٹ کنیکٹیویٹی فراہم کرنے کا ہدف بھی رکھا گیا ہے۔بیٹری مینوفیکچرنگ پر زور۔وزیر خزانہ سیتا رمن نے ای سی بیٹری مینوفیکچرنگ کے لیے 35 اضافی کیپٹل گڈز اور موبائل فون بیٹری مینوفیکچرنگ کے لیے28 اضافی سرمایہ کی تجویز پیش کی ہے۔ ان میں لیتھیم آئن بیٹریاں بنانے والے گھریلو مینوفیکچررز شامل ہوں گے۔ اس سے ملک میں موبائل بیٹریاں بنانے کی لاگت میں کمی آئے گی، صارفین کو اس کا براہ راست فائدہ ملے گا اور انہیں نئے اسمارٹ فون کے لیے کم رقم ادا کرنی پڑے گی۔ اس کے علاوہ ایل ای ڈی-ایل سی ڈی ٹی وی کی قیمتوں میں بھی کمی کی جائے گی۔ ان پر کسٹم ڈیوٹی کم کردی گئی ہے۔ وزیر خزانہ نے اپنی تقریر میں ملک کے تمام سرکاری سکولوں اور ہسپتالوں میں انٹرنیٹ کنیکٹیویٹی فراہم کرنے کا ہدف قوم کے سامنے رکھا۔
1,372
