طویل مدتی حکمت عملی کانتیجہ
6 جیٹ طیاروں کو مار گرانے کا پاکستانی دعویٰ بالکل غلط قرار
نیوزمانٹرینگ
سری نگر :۱۳، مئی:چیف آف ڈیفنس اسٹاف جنرل انیل چوہان نے کہا کہ ہندوستان اپنی طویل مدتی حکمت عملی کی وجہ سے پڑوسی ملک سے زیادہ تنوع کے باوجود آج تمام محاذوں پر پاکستان سے آگے ہے۔انہوںنے کہاکہ آپریشن سندور کے دوران جنرل انیل چوہان نے حالیہ کشیدگی کے دوران 6ہندوستانی جیٹ طیاروں کو مار گرانے کا پاکستانی دعوے کو بالکل غلط قرار دیا۔سنگاپور میں شنگری لا ڈائیلاگ میں،چیف آف ڈیفنس اسٹاف جنرل انیل چوہان نے نوٹ کیا کہ دونوں ممالک یعنی بھارت اورپاکستان نے ایک ہی وقت میں آزادی حاصل کی، اور پاکستان سماجی، اقتصادی، اور فی کس جی ڈی پی سمیت مختلف میٹرکس میں ہندوستان سے آگے تھا، لیکن آج ہندوستان ،پاکستان سے ہرمحاذپرآگے ہے۔انہوںنے کہاکہ اب، پاک بھارت تعلقات پر، ہم حکمت عملی کے بغیر کام نہیں کر رہے ہیں۔ جب ہم نے آزادی حاصل کی تو پاکستان ہر محاذپر ہم سے آگے تھا، سماجی، اقتصادی، اور فی کس جی ڈی پی۔ آج ہندوستان تمام محاذوں پر آگے ہے: معاشی کارکردگی، انسانی ترقی اور سماجی ہم آہنگی، ہمارے وسیع تنوع کے باوجود۔ یہ حادثاتی طور پر نہیں ہوا، یہ ایک طویل حکمت عملی ہے ۔جنرل چوہان نے مزید کہاکہ سفارتی طور پر، ہم 2014 کی طرح پہنچ چکے ہیں جب وزیر اعظم نے نواز شریف کو مدعو کیا تھا، لیکن تالیاں بجانے کے لئے دو ہاتھ درکار ہوتے ہیں، اگر بدلے میں ہمیں صرف دشمنی ہی ملتی ہے، تو پھر علیحدگی بذات خود ایک اچھی حکمت عملی ہو سکتی ہے۔اس دوران چیف آف ڈیفنس اسٹاف جنرل انیل چوہان نے پاکستان کےساتھ حالیہ کشیدگی میں طیاروں کے نقصانات کو تسلیم کیا لیکن6 ہندوستانی جیٹ طیاروں کو مار گرانے کے اسلام آباد کے دعوے کو بالکل غلط قرار دیا۔جنرل چوہان نے بلومبرگ ٹی وی کو دیئے گئے ایک انٹرویو میں زور دے کر کہا کہ یہ معلوم کرنا زیادہ ضروری ہے کہ طیارہ کیوں کھو گیا تاکہ ہندوستانی فوج حکمت عملی کو بہتر بنا سکے اور دوبارہ جوابی حملہ کر سکے۔انہوںنے کہاکہ میرے خیال میں اہم یہ نہیں ہے کہ جیٹ کو گرایا جا رہا ہے بلکہ وہ کیوں گرایا جا رہا ہے۔جنرل چوہان سے پوچھا گیا کہ کیا اس ماہ کے شروع میں پاکستان کے ساتھ چار روزہ فوجی جھڑپوں کے دوران ہندوستان نے لڑاکا طیارے کھوئے؟۔انہوںنے کہاکہ اچھی بات یہ ہے کہ ہم ان حکمت عملی کی غلطیوں کو سمجھنے کے قابل تھے جو ہم نے کیں۔ تدارک کیا، درست کیا اور پھر دو دن کے بعد اسے دوبارہ نافذ کیا۔ ہم نے اپنے تمام جیٹ طیاروں کو دوبارہ طویل فاصلے تک نشانہ بناتے ہوئے اڑایا ۔اس سے قبل، بھارتی فضائیہ کے ڈائریکٹر جنرل آف ایئر آپریشنز، ایئر مارشل اے کے بھارتی نے تسلیم کیا تھا کہ نقصانات لڑائی کا ایک حصہ ہیں اور کہا کہ تمام آئی اے ایف پائلٹ بحفاظت گھر واپس آگئے۔ایئر مارشل بھارتی نے یہ ریمارکس 11 مئی کو ایک میڈیا بریفنگ میں کہے جب آپریشن سندھ کے دوران ہندوستانی طیاروں کے نقصان کے بارے میں پوچھا گیا۔
