سٹی ایکسپریس نیوز
سرینگر 22 مئی 2025: موسم کی خراب صورتحال کے درمیان، وزیر تعلیم سکینہ ایتو نے جمعرات کو اعلان کیا کہ آئندہ پیر سے اسکولوں کے اوقات میں تبدیلی کی جائے گی۔
نامہ نگاروں سے بات کرتے ہوئے ایتونے تاہم صحیح وقت کا ذکر نہیں کیا اور کہا کہ اس سلسلے میں جاری ہونے والے ایک سرکاری حکم میں اس سے آگاہ کیا جائے گا۔
ایتو نے کہا کہ “ہمیں والدین کی طرف سے اسکول کے اوقات میں تبدیلی کے حوالے سے کئی کالز موصول ہوئی ہیں۔ ہم نے پیر سے وقت تبدیل کرنے کا فیصلہ کیا ہے اور یہ صبح کی شفٹ ہوگی۔”
انہوں نے اس تجویز کی بھی توثیق کی کہ صبح کی مجلس سائے کے نیچے یا کسی بڑے ہال کے اندر جہاں بھی دستیاب ہو منعقد کی جائے۔
گزشتہ چند ہفتوں سے دن کے درجہ حرارت میں اضافہ ہوا ہے اور محکمہ موسمیات کے مطابق ہیٹ ویو کی صورتحال برقرار رہنے کا امکان ہے۔
