آپریشن سندور ابھی ختم نہیں ہوا

پاکستان نے اور کوئی حماقت کرنے کی کوشش کی تو مناسب جواب دیا جائیگا :امت شاہ
نیوزمانٹرینگ
سرینگر /۲،جون / وزیر داخلہ امت شاہ نے کہا کہ آپریشن سندور ابھی ختم نہیں ہوا ہے اور اگر پاکستان نے اور کوئی حماقت کرنے کی کوشش کی تو صیح وقت پر جواب دیا جائے گا ۔ امت شاہ نے کہا کہ ہماری مسلح فوج نے پاکستان کے 100کلومیٹر اندر گھس کر دہشت گردوں کے ٹھکانوں کو نشانہ بنا کر انہیں تباہ کردیا ۔ کلکتہ میں ایک عوامی جلسہ سے خطاب کرتے ہوئے وزیر داخلہ امیت شاہ نے کہا کہ جو لوگ ”ایک چھٹکی سندور“ کی قدر نہیں جانتے تھے، انہیں ”آپریشن سندھور“ کے ذریعے اس کے بارے میں مطلع کیا گیا تھا۔انہوں نے کہا کہ مودی نے بطور وزیر اعظم 11 سال مکمل کر لیے ہیں۔قومی سلامتی کی خلاف ورزی کرنے والوں کو سبق سکھا دیا گیا ہے۔وزیر داخلہ نے کہا کہ وزیر اعظم مودی نے لوگوں کو ہندوستانی ہونے پر فخر کا احساس دلایا ہے اور بیرون ملک ہندوستانی پاسپورٹ کی قدر میں اضافہ کیا ہے۔امیت شاہ نے کہا کہ یہ مضبوط سیاسی ارادے کی وجہ سے ہے کہ ایودھیا میں رام مندر اور کاشی وشوناتھ کوریڈور مودی کے دور میں تعمیر کیا گیا۔انہوں نے کہا کہ آپریشن سند ور صرف ایک فوجی آپریشن نہیں ہے بلکہ یہ ہماری ہندوستانی اقدار اور ان گہرے جذبات کا عکاس ہے جو ہم اپنے دلوں کے قریب رکھتے ہیں۔امیت شاہ نے کہا کہ دہشت گردوں نے 140 کروڑ ہندوستانیوں کو للکارا اور اس طرح سے وزیر اعظم مودی نے مسلح افواج کو کھلا ہاتھ دیا۔ انہوں نے کہا کہ جب پاکستانی فوج بھارت کی اس کارروائی سے مشتعل ہوئی اور جرات کا مظاہرہ کیا تو ہماری افواج نے پاکستانی فوج کو بھی شکست دی۔مغربی بنگال کی وزیر اعلیٰ ممتا بنرجی پر سخت حملہ کرتے ہوئے ان پر الزام لگایا کہ وہ مسلمان ووٹ بینک کو خوش کرنے کے لیے آپریشن سندھور اور وقف ترمیمی ایکٹ کی مخالفت کر رہی ہیں۔انہوں نے یہ بھی الزام لگایا کہ مرشد آباد میں حالیہ فسادات ریاستی اسپانسرڈ تھے۔شاہ نے کہا ” مسلم ووٹ بینک کو مطمئن کرنے کے لیے، ممتا دیدی نے آپریشن سندھور کی مخالفت کی، ایسا کرکے وہ اس ملک کی ماو¿ں بہنوں کی توہین کر رہی ہیں۔ سال 2026 (اسمبلی انتخابات) میں، ریاست کی مائیں بہنیں سی ایم اور ترنمول کانگریس کو سبق سکھائیں گی کہ آپریشن سندھور پر تنقید کی جائے۔ “ شاہ نے کہا، ”ممتا بنرجی خوش کرنے کی سیاست کے لیے قانون کے خلاف ہیں“۔