کاڈربہی باغ کولگام ملی ٹنسی مخالف آپریشن میں سیکورٹی فورسزکو بڑی کامیابی حاصل

حزب کمانڈراوردیگر 4 ملی ٹنٹ ہلاک، 2 فوجی زخمی
فاروق نالی تقریباً 9 سے10 سال سے سرگرم اور متعدد دہشت گردانہ سرگرمیوں میں ملوث تھا:ڈی آئی جی جنوبی کشمیر
نیوزایجنسیاں
سری نگر:۹۱،دسمبر :سیکورٹی فورسزکو اُسوقت ایک بڑی کامیابی حاصل ہوئی ،جب جنوبی کشمیرکے ضلع کولگام کے کاڈر بہی باغ علاقے میں ایک خونین معرکہ آرائی کے دوران تقریباًایک دہائی تک زندہ رہنے والا حزب کمانڈر فاروق احمد بٹ عرف فاروق نالی اپنے دیگر4ساتھیوں سمیت ماراگیا۔اس ملی ٹنسی مخالف آپریشن میں ہلاک ہونے والے دیگر ملی ٹنٹوں کی شناخت عرفان لون، عادل حسین، مشتاق ایتو اور یاسر جاوید کے نام سے ہوئی ہے، جو تمام مقامی باشندے بتاے جاتے ہیں۔ ڈی آئی جی جنوبی کشمیر جاوید اقبال نے کہا کہ فائرنگ کے تبادلے میں5دہشت گرد مارے گئے اور 2فوجی زخمی ہوئے،جن کو فوری طور پر علاج کےلئے طبی مرکز میں منتقل کر دیا گیا، اور ان کی حالت مستحکم ہے۔سیکورٹی ذرائع نے بتایاکہ پولیس اوراسکے اسپیشل آپریشن گروپ کی ایک مشترکہ ٹیم، فوج کی 34 راشٹریہ رائفلز اور سی آر پی ایف نے جنوبی کشمیر کے کولگام ضلع کے کاڈر بہی باغ علاقے میں کچھ دہشت گردوں کی موجودگی کے بارے میں مصدقہ اطلاعات ملنے پر بدھ کورات کے وقت پورے علاقے کو محاصرے لینے کے بعد تلاشی کی کارروائی شروع کی۔انہوں نے کہا کہ جیسے ہی سیکورٹی فورسز کی مشترکہ ٹیم مشتبہ مقام کے قریب پہنچی تو چھپے ہوئے دہشت گردوں نے فائرنگ شروع کر دی جس کے جواب میں سیکورٹی فورسزنے بھی اپنی بندوقوں کے دہانے کھول دئیے اور یہاں طرفین کے درمیان ایک انکاو¿نٹر شروع ہو گیا۔ ابتدائی فائرنگ کے تبادلے کے دوران2 سیکورٹی اہلکار زخمی ہوگئے، زخمی اہلکاروں کو علاج کے لیے اسپتال منتقل کردیا گیا۔ کولگام انکاو¿نٹر کے بارے میں تفصیلات بتاتے ہوئے سیکورٹی حکام نے بتایا کہ سب سے طویل عرصے تک زندہ رہنے والا حزب المجاہدین کا کمانڈر فاروق احمد بٹ عرف فاروق نالی جاری تصادم میں مارا گیا۔انہوں نے کہا کہ ہلاک ہونے والا دہشت گرد تقریباً 9 سے10 سال سے سرگرم تھا اور متعدد دہشت گردانہ سرگرمیوں میں ملوث تھا۔ انہوں نے مزید کہا کہ فاروق کی لاش نکال لی گئی ہے اور باقی مارے گئے دہشت گردوں کی نعشوں کو بھی جائے جھڑپ سے نکالاگیا۔، ڈی آئی جی جنوبی کشمیر جاوید اقبال نے میڈیا نمائندوں کو بتایا کہ فائرنگ کے تبادلے کے دوران5 دہشت گرد مارے گئے، اور 2 فوجی زخمی ہوئے، جن کی حالت مستحکم بتائی جاتی ہے۔ میڈیا سے بات کرتے ہوئے ڈی آئی جی جنوبی کشمیر جاوید اقبال نے مزید کہاکہ کاڈر کولگام میں تلاشی آپریشن ابھی جاری ہے، اور اس کے مکمل ہونے پر تفصیلات شیئر کی جائیں گی۔ فوج کی چنار کور نے بھی ایک پر ایک پوسٹ میں جانکاری دی کہ کاڈر کولگام میں جاری آپریشن میں سیکورٹی فورسز نے 5دہشت گردوں کو ہلاک کر دیا جبکہ جھڑپ کے دوران2 فوجی زخمی ہوئے ہیں اور انہیں طبی امداد کے لیے نکال لیا گیا ہے۔ آپریشن جاری ہے۔سیکورٹی ذرائع نے کاڈر کولگام میں طویل عرصے تک زندہ رہنے والے حزب کمانڈراوردیگر4دہشت گردوں کی ہلاکت کو ایک بڑی کامیابی قرار دیتے ہوئے بتایاکہ مارے گئے دہشت گردشکل سے مقامی دکھائی دیتے ہیں۔ایک سیکورٹی ذریعہ نے بتایاکہ کولگام ملی ٹنسی مخالف آپریشن میں ہلاک ہونے والے دیگر ملی ٹنٹوں کی شناخت عرفان لون، عادل حسین، مشتاق ایتو اور یاسر جاوید کے نام سے ہوئی ہے، جو تمام مقامی باشندے بتاے جاتے ہیں۔تاہم پولیس حکام نے بتایاکہ اس انکاﺅنٹرمیں مارے گئے دہشت گردوں کی شناخت اورتنظیمی ابستگی کے بارے میں چھان بین شروع کردی گئی ہے،اور کارروائی مکمل ہونے کے بعد مارے گئے پانچوں دہشت گردوں کے بارے میں تفصیلات جاری کی جائیں گی ۔دریں اثناءمہلوک ملی ٹنٹوں سے برآمد شناختی کارڈوں کے مطابق ہلاک ہونے والوںمیں30مئی2015سے سرگرم فاروق احمد بٹ ولدعبدالغنی بٹ ساکنہ خانپورہ یاری پورہ کولگام،3اگست 2023سے سرگرم عادل حسین ولدغلام محمدحجام ساکنہ کھانڈی پورہ کولگام،10مارچ 2020سے سرگرممشتاق احمد ایتو ولدغلام حسن ساکنہ محمد پورہ کولگام،10مارچ 2020سے سرگرممشتاق احمد ایتو ولدغلام حسن ساکنہ محمد پورہ کولگام،یاسرجاوید بٹ ولد جاوید احمدبٹ ساکنہ خانپورہ یاری پورہ کولگام اور20جون 2022سے سرگرم محمد عرفان ولد محمدیعقوب لون ساکنہ ہاوورہ کولگام شامل ہے۔