زمینی طور پر کوئی فرق نہیں پڑے گا:ڈاکٹر فاروق
نیوزسروس
سری نگر:۳۱، نومبر :نیشنل کانفرنس کے صدر فاروق عبداللہ نے بدھ کو کہا کہ جموں و کشمیر میں دہشت گردوں اور سیکورٹی فورسز کے درمیان تصادم میں اضافے سے زمینی طور پر کوئی فرق نہیں پڑے گا۔ ڈاکٹر فاروق نے وسطی کشمیر کے بڈگام ضلع میں نامہ نگاروں کو بتایاکہ دہشت گردوں اور سیکورٹی فورسز کے درمیان تصادم جموں و کشمیر میں پہلے بھی ہو چکے ہیں اور مستقبل میں بھی جاری رہیں گے۔انہوںنے کہاکہ میں نے پہلے بھی انکاو¿نٹر دیکھے ہیں اور آئندہ بھی دیکھوں گا۔ اس سے کوئی فرق نہیں پڑتا۔جموں و کشمیر کے سابق وزیر اعلیٰ 2017 کے ایک کیس کے سلسلے میں عدالت میں پیش ہونے کے لیے بڈگام گئے تھے۔نیشنل کانفرنس کے صدر نے نئی عدالت کی عمارت کی تعمیر نو کے لیے بھی زور دیا کیونکہ انہوں نے کہا کہ موجودہ ڈھانچہ ضلع کے لوگوں کے لیے کافی نہیں ہے۔ڈاکٹرفاروق نے کہاکہ ہم حکومت سے ایک نئی عدالت کی تعمیر کی درخواست کریں گے اور جسٹس مسعودی دیکھیں گے کہ نئی عدالت جدید سہولیات کے ساتھ یہاں آئے گی تاکہ لوگ مستفید ہو سکیں۔
859
