ادھم پور، 22 اکتوبر,2026: جموں کے ضلع ادھم پور میں ایک 42 سالہ خاتون، جسے مبینہ طور پر اس کے سوتیلے بیٹے نے آگ لگا دی تھی، جمعرات کو یہاں ایک ہسپتال میں زخموں کی تاب نہ لاتے ہوئے چل بسی۔ یہ اطلاع خبر رساں ایجنسی نے حکام کے حوالے سے دی ہے۔ حکام کے مطابق، یہ واقعہ بدھ کی شام ادھم پور کی ہاؤسنگ کالونی کے علاقے میں پیش آیا، جہاں ملزم نے مبینہ طور پر سشما دیوی پر پیٹرول چھڑک کر انہیں آگ لگا دی۔ سشما دیوی کو ابتدائی طور پر ادھم پور کے ایک ہسپتال لے جایا گیا، لیکن حالت تشویشناک ہونے کے باعث انہیں بہتر علاج کے لیے گورنمنٹ میڈیکل کالج جموں منتقل کر دیا گیا۔ حکام نے بتایا کہ وہ وہاں زخموں کی تاب نہ لاتے ہوئے چل بسیں۔ پولیس نے ملزم کو گرفتار کر لیا ہے اور واقعے کے سلسلے میں مقدمہ درج کر لیا گیا ہے۔ حکام کا کہنا ہے کہ اس مبینہ حملے کے محرکات اور حالات کا پتہ لگانے کے لیے مزید تفتیش جاری ہے۔
