رامبن، 28 اکتوبر,2026: جموں و کشمیر کے ضلع رامبن میں ’ترشول موڑ‘ کے قریب ایک ٹرک کو پیش آنے والے حادثے میں ڈرائیور ہلاک ہو گیا۔ رجسٹریشن نمبر PBE08EF7864 والا یہ ٹرک (کینٹر) جموں سے سری نگر کی جانب جا رہا تھا کہ ’ترشول موڑ‘ پر ’شان پیلس‘ کے قریب حادثے کا شکار ہو گیا، جس کے نتیجے میں ڈرائیور موقع پر ہی ہلاک ہو گیا۔ متوفی کی شناخت سچا سنگھ کے طور پر ہوئی ہے، جو ہماچل پردیش کی تحصیل ہروولی کے گاؤں ’باتھو‘ کا رہائشی تھا۔ حکام نے بتایا کہ لاش کو قانونی و طبی کارروائی (میڈیکو لیگل فارمیلٹیز) کے لیے ڈسٹرکٹ ہسپتال رامبن منتقل کر دیا گیا ہے۔
