سٹی ایکسپریس نیوز
ادھم پور، 22 اگست،2025: ہفتہ کو ادھم پور کے قریب ان کی گاڑی کو حادثہ پیش آنے کے بعد ایک خاتون کی موت ہو گئی جبکہ اس کے دو رشتہ دار زخمی ہو گئے۔
حکام نے بتایا کہ کشتواڑ کے این ایچ پی سی ملازم عبدالکبیر زرگر کی گاڑی (JK02CH-5448) ہائی وے پر سفر کر رہی تھی جب وہ سڑک کے ڈیوائیڈر سے ٹکرا گئی۔ ٹکر سے ڈرائیور اور ایک خاتون سمیت دو افراد زخمی ہو گئے۔
تمام زخمیوں کو قریبی اسپتال منتقل کیا گیا جہاں شفیقہ بیگم نامی خاتون زخموں کی تاب نہ لاتے ہوئے دم توڑ گئی۔ زخمی عبدالکبیر زرگر اور محمد آصف زرگر زیر علاج ہیں۔
پولیس نے حادثے کا نوٹس لیتے ہوئے مزید کارروائی شروع کر دی ہے۔ (ایجنسیاں)
