مہور میں لینڈ سلائیڈنگ سے گاڑی ٹکرانے سے ڈرائیور جاں بحق، دو زخمی

سٹی ایکسپریس نیوز

ریاسی، 23 اگست، 2025: جمعہ اور ہفتہ کی درمیانی شب جموں کے ریاسی ضلع میں مہور کے علاقے ملائی نالہ میں ایک مال بردار ٹرک مٹی کے تودے گرنے سے ملبے کے نیچے آگئی، جس کے نتیجے میں ڈرائیور کی موت ہو گئی اور دو دیگر زخمی ہو گئے۔
حکام نے بتایا کہ گاڑی، جس کا رجسٹریشن نمبر JK20B-9578 تھا، مہور جا رہی تھی کہ صبح 2 سے 3 بجے کے درمیان ملبے کے نیچے آگئی، زخمیوں کو فوری طور پر قریبی طبی مراکز میں پہنچایا گیا۔
پی ایچ سی دھرمڑی کے ڈاکٹروں نے ڈرائیور کو مردہ قرار دیا، جس کی شناخت شباز احمد ولد بشیر احمد ساکن جملان مہور (ریاسی) کے طور پر ہوئی ہے۔
زخمیوں کی شناخت جاوید احمد ولد محمد حسین ساکن کنسولی، مہور، ریاسی اور عبدالغنی کے طور پر ہوئی ہے، جنہیں ابتدائی طبی امداد دے کر مزید علاج کے لیے منتقل کر دیا گیا۔
پولیس نے اس سلسلے میں کیس درج کرلیا ہے۔