سٹی ایکسپریس نیوز
اننت ناگ، 10 ستمبر: جنوبی کشمیر کے ضلع اننت ناگ میں جمعرات کے روز ایک جنگلی ریچھ کے حملے میں 65 سالہ شخص زخمی ہوگیا۔
حکام نے خبر رساں ادارہ کو بتایا کہ ضلع کے شنگس علاقے میں واقع اپنے آبائی گاؤں ‘چوگام’ کے قریب، تقریباً 65 سالہ غلام حسن مگری (والد حبیب اللہ مگری) پر ایک جنگلی ریچھ نے حملہ کر دیا۔
مقامی لوگوں کا کہنا ہے کہ مگری گھر سے باہر موجود تھے کہ اچانک ریچھ نمودار ہوا اور ان پر جھپٹ پڑا، جس کے نتیجے میں وہ زخمی ہو گئے۔
واقعے کے فوراً بعد مقامی لوگ جائے وقوعہ پر پہنچے اور زخمی شخص کو علاج کے لیے سب ڈسٹرکٹ ہسپتال شنگس منتقل کیا، جہاں ان کی حالت مستحکم بتائی جاتی ہے۔
دریں اثنا، مقامی لوگوں نے محکمہ وائلڈ لائف (محکمہ جنگلی حیات) سے اپیل کی ہے کہ وہ علاقے میں اس طرح کے واقعات کی روک تھام کے لیے ضروری اقدامات کرے۔
About the Author
