سٹی ایکسپریس نیوز
نئی دہلی، 24 نومبر،2025: جسٹس سوریہ کانت، جو جموں و کشمیر کی خصوصی حیثیت کو ختم کرنے والے آرٹیکل 370 کو منسوخ کرنے سمیت کئی تاریخی فیصلوں کا حصہ رہے ہیں، نے پیر کو ہندوستان کے 53 ویں چیف جسٹس کے طور پر حلف لیا۔
وہ جسٹس بی آر گوائی کی جگہ لے رہے ہیں۔
صدر دروپدی مرمو نے راشٹرپتی بھون میں منعقدہ ایک مختصر تقریب میں جسٹس کانت کو حلف دلایا۔
جسٹس کانت کو 30 اکتوبر کو اگلا چیف جسٹس مقرر کیا گیا تھا اور وہ تقریباً 15 ماہ تک اس عہدے پر رہیں گے۔ وہ 9 فروری 2027 کو 65 سال کی عمر کو پہنچنے پرعہدہ چھوڑ دیں گے۔
نائب صدر سی پی رادھا کرشنن اور وزیراعظم نریندرمودی ان سینئر لیڈروں میں شامل تھے جنہوں نے تقریب میں شرکت کی۔ (ایجنسیاں)
About the Author
