لوگوں کو دھوکہ دینے والا شخص گرفتار
موزی مرض مبتلاءبچے کے والد کولوٹ لیا،کیس درج:پولیس
نیوزایجنسی
شوپیان :۳ ،اکتوبر:حکام نے ہفتے کے روز بتایا کہ پولیس نے شوپیان ضلع میں سرکاری عہدیداروں کا روپ دھارنے اور سوشل میڈیا کے ذریعے لوگوں کو دھوکہ دینے کے الزام میں ایک شخص کوگرفتار کرکے اُس کیخلاف مقدمہ درج کیا ہے۔جے کے این ایس کے مطابق شوپیاں پولیس نے ایک شخص کو کینسر کے مریض کے علاج کےلئے مالی امداد کی خاطر سوشل میڈیا پر کی گئی اپیل کے سلسلے میں دھوکہ دہی اور غلط شناخت ظاہر(باقی ۵پر
کرنے کے الزام میں گرفتار کیا ہے۔یہ شکایت پولیس اسٹیشن شوپیاں کے سی یو جی موبائل نمبر پر منگھامہ کے رہائشی فاروق احمد صوفی کی جانب سے موصول ہوئی تھی۔ انہوں نے سوشل میڈیا پر اپنے کینسر کے شکار بیٹے کے علاج کےلئے مالی امداد کی اپیل جاری کی تھی۔اس اپیل کا فائدہ اٹھاتے ہوئے، ملزم ، جس کی شناخت عمر شمیم گنائی ولد محمد شمیم گنائی، ساکن میماندر شوپیان کے طور پر ہوئی ہے ،نے مبینہ طور پر خود کو ڈی سی آفس شوپیاں کا ملازم ظاہر کیا اور خاندان کو یقین دلایا کہ وہ مریض کے علاج کے لیے ڈپٹی کمشنر شوپیاں سے مالی امداد کی فراہمی میں مدد کرے گا۔ اس بہانے اس نے مبینہ طور پر شکایت کنندہ سے 9999 روپے حاصل کر لئے۔بعد ازاں شکایت کنندہ نے ملزم کا سراغ شوپیاں مارکیٹ میں لگایا، جہاں ملزم نے مبینہ طور پر ان کے ساتھ بدتمیزی کی، انہیں ہراساں کیا اور دھمکیاں دیں۔عہدیدار نے بتایا کہ متعلقہ دفعات کے تحت ایف آئی آر نمبر 207/2026 درج کر لی گئی ہے اور معاملے کا نوٹس لے لیا گیا ہے،اوراس کے مطابق ر ملزم کو گرفتار کر لیا گیا ہے۔ابتدائی تفتیش کے دوران ملزم کی جانب سے دیگر افراد کے ساتھ بھی اسی طرح کی دھوکہ دہی کی سرگرمیوں کے الزامات سامنے آئے ہیں، جن کی تفتیش کے حصے کے طور پر تصدیق کی جا رہی ہے۔تفتیش کا عمل شروع کر دیا گیا ہے اور مزید پیش رفت سے مناسب وقت پر آگاہ کیا جائے گا۔شوپیاں پولیس عوام سے اپیل کرتی ہے کہ وہ آن لائن دھوکہ بازوں اور غلط شناخت ظاہر کرنے والوں سے ہوشیار رہیں، خاص طور پر ان لوگوں سے جو مالی امداد کی حقیقی درخواستوں کا غلط استعمال کرتے ہیں۔ عوام کو مشورہ دیا جاتا ہے کہ وہ سرکاری دفاتر یا عہدیداروں کی جانب سے مالی امداد کی فراہمی کا دعویٰ کرنے والے افراد کی شناخت اور اسناد کی تصدیق کریں اور کسی بھی مشکوک سرگرمی کی اطلاع فوری طور پر پولیس کو دیں۔
About the Author
