10 اکتوبر کودہلی کے جنتر منتر پر احتجاج
کاکروچ جنتا پارٹی کے بانی ابھیجیت دیپکے کاممبئی میںاعلان
نیوزایجنسی
سری نگر:۳ ،اکتوبر:کاکروچ جنتا پارٹی نے اعلان کیا ہے کہ اگر چیف الیکشن کمشنر گیانیش کمار مستعفی نہیں ہوتے ہیں تو دہلی کے جنتر منتر پر ایک اور احتجاج کیا جائے گا۔جے کے این ایس کے مطابق ممبئی کی شیواجی پارک میں ہزاروں لوگوں کے ایک بڑے احتجاج کی قیادت کرنے کے بعد، کاکروچ جنتا پارٹی (سی جے پی) کے بانی ابھیجیت دیپکے نے جمعہ کی رات اعلان کیا کہ اگر چیف الیکشن کمشنر گیانیش کمار مستعفی نہیں ہوتے ہیں(۵پر)
تو دہلی کے جنتر منتر پر ایک اور احتجاج کیا جائے گا۔ایکس پر ایک پوسٹ میں انہوں نے کہاکہ اگر گیانیش کمار مستعفی نہیں ہوتے ہیں، تو پورے ہندوستان سے کاکروچ (ان کے کارکنان) دہلی کا رخ کریں گے اور 10 اکتوبر کودہلی کے جنتر منتر پر احتجاج کریں گے۔ ابھیجیت دیپکے نے مزید کہا کہ یہ ایک پرامن تحریک ہوگی اور منصفانہ انتخابات کے خواہشمند ہر شہری کو اس میں شامل ہونا چاہیے۔انہوں نے کہا کہ اگر وزیر اعظم نریندر مودی گیانیش کمار کا استعفیٰ قبول نہیں کرتے تو وہ وزیر اعظم کے استعفے کا مطالبہ کرنے کےلئے تحریک شروع کریں گے۔ اس سے قبل، شیواجی پارک میں احتجاج کے دوران، ابھیجیت دیپکے نے خبردار کیا تھا کہ اگر چیف الیکشن کمشنر گیانیش کمار اپنے عہدے سے دستبردار نہ ہوئے تو جنتر منتر2.0 کا انعقاد کیا جائے گا۔پولیس کی جانب سے احتجاج کی اجازت نہیں دیے جانے کے باوجودجمعہ کو دوپہر کی شدید گرمی اور پولیس کی رکاوٹوں کی پرواہ کیے بغیر، بڑی تعداد میں نوجوان مرد و خواتین احتجاج کےلئے وسطی ممبئی پہنچے،اورشیواجی پارک میں پُرجوش مگر پُرامن احتجاج کیا۔
About the Author
