منوج سنہا، وزیر اعظم مودی سے ملاقی
یونین ٹریٹری سے جڑے اہم معاملات پر ممکنہ تبادلہ خیال
نیوز ڈیسک
سرینگر /۷۱،جولائی / جموں کشمیر کے لیفٹنٹ گورنر کے بطور پانچ سال کی مدت مکمل کرنے سے کچھ دن قبل اور پارلیمنٹ کے مانسون اجلاس کی شروعات سے پہلے لیفٹنٹ گورنر منوج سنہا نے نئی دہلی میں وزیر اعظم نریندر مودی سے ملاقات کی جس دوران کچھ اہم پہلوﺅں پر بات چیت ہوئی ۔ میڈیا رپورٹس کے مطابق جموں کشمیر کے لیفٹنٹ گورنر منوج سنہا نے نئی دہلی میں وزیر اعظم نریندر مودی سے اہم ملاقات کی ۔ میڈیا رپورٹس کے مطابق ملاقات کے دوران کچھ اہم پہلوﺅں پر بات چیت ہوئی وزیر اعظم کے دفتر نے اس کی تصدیق ایکس پر کرتے ہوئے لکھا ” جموں کشمیر کے لیفٹنٹ گورنر منوج سنہا نے قومی دارالحکومت میں وزیر اعظم نریندر مودی سے ملاقات کی“۔اس کی تصویر (باقی ۸پر)
بھی انہوں نے شیئر کی تاہم ملاقات کے دوران کیا کچھ ہوا اس بارے میں کوئی بھی بات سامنے نہیں آئی ۔ خیال رہے کہ جموں کشمیر میں ریاستی درجہ کے آئندہ مونسون سیشن میں بحال کیے جانے کی افواہوں کے بیچ جموں کشمیر کے لیفٹنٹ گورنر منوج سنہا نے نئی دلی میں وزیر اعظم نریندر مودی سے ملاقات کی۔خیال رہے کہ جموں کشمیر کے لیفٹنٹ گورنر کے بطور پانچ سال کی مدت مکمل کرنے سے کچھ دن باقی ہے جبکہ پارلیمنٹ کا مانسوان اجلاس بھی کچھ ہی دنوں میں شروع ہو رہا ہے ۔
About the Author
