سوپور میں علیحدگی پسند تنظیم سے وابستہ ایک شخص کے گھرپر چھاپہ
قابل اعتراض مواد ضبط، کارروائی قانونی ضوابط کے تحت انجام : پولیس
بلال احمد
سوپر:۷۱،جولائی:جموں و کشمیر میں علیحدگی پسندوں اور دہشت گردی کے حامی نیٹ ورکس کے خلاف جاری کریک ڈاو¿ن کے تحت سوپور پولیس نے جمعرات کو کالعدم تنظیم مسلم لیگ سے وابستہ ایک شخص کے گھر پر چھاپہ مار کارروائی انجام دی۔پولیس کے مطابق یہ کارروائی بادام باغ سوپور کے رہائشی عابد نبی کاچرو ولد غلام نبی کاچرو کے مکان پر کی گئی، جو ایف آئی آر نمبر 09/2024 کے تحت درج کیس سے منسلک ہے۔ یہ مقدمہ غیر قانونی
سرگرمیوں کی روک تھام کے ایکٹ (یو اے پی اے) کی دفعات 10 اور 13 کے تحت درج کیا گیا ہے۔چھاپے کے دوران پولیس کو ممنوعہ تنظیم سے وابستہ قابل اعتراض مواد برآمد ہوا، جسے موقع پر ہی ضبط کر لیا گیا۔ کارروائی قانونی ضوابط کے تحت انجام دی گئی، جس میں مجسٹریٹ اور غیر جانبدار گواہان بھی موجود تھے تاکہ شفافیت اور قانونی عمل کی مکمل پاسداری کی جا سکے۔پولیس ترجمان نے کہا، ’یہ کارروائی سوپور پولیس کی ا±س وسیع تر مہم کا حصہ ہے جس کا مقصد علیحدگی پسند نظریات پھیلانے والے عناصر کی نشاندہی کرنا اور ان کے خلاف قانون کے دائرے میں رہ کر کارروائی عمل میں لانا ہے۔‘انہوں نے مزید کہا کہ سوپور پولیس علاقے میں امن و امان قائم رکھنے اور انتہا پسند نظریات کو پنپنے سے روکنے کے لیے پرعزم ہے۔ ہم اس بات کو یقینی بنائیں گے کہ کوئی فرد یا گروہ عوامی نظم و نسق یا قومی سلامتی کو نقصان پہنچانے کے قابل نہ ہو۔
About the Author
