سٹی ایکسپریس نیوز
سری نگر، 24 دسمبر،2025: کپران اننت ناگ میں بدھ کی صبح سی آر پی ایف کیمپ میں اس وقت خوف و ہراس پھیل گیا جب ایک چیتے نے احاطے میں گھس کر ناشتے کے اوقات میں اہلکاروں پر حملہ کر دیا، جس سے ایک جوان زخمی ہو گیا۔
حکام نے نیوز ایجنسی کو بتایا کہ یہ واقعہ کپران کیمپ میں صبح کے وقت پیش آیا، جب جوان میس میں ناشتے کے لیے جمع تھے۔ اچانک ایک چیتے نے کیمپ میں آکر اہلکاروں پر حملہ کردیا۔
اس واقعہ کے دوران ایک زخمی جوان کی شناخت ایچ سی کملیش کمار کے طور پر ہوئی ہے۔ اسے فوری طور پر قریبی پرائمری ہیلتھ سینٹر لے جایا گیا، جہاں اسے فوری طبی امداد فراہم کی گئی۔
انہوں نے بتایا کہ زخمی جوان کی حالت مستحکم ہے۔ (ایجنسیاں)
About the Author
