سٹی ایکسپریس نیوز
بارہمولہ، 19 جولائی2025: ہفتہ کی صبح ایک افسوسناک واقعہ پیش آیا جب ایک 55 سالہ شخص عبدالعزیزنجارساکن وینکورا بارہمولہ بارہمولہ کے آزاد گنج علاقے میں دریائے جہلم میں مبینہ طور پر ڈوب گیا۔
خبر رساں ایجنسی کی رپورٹس کے مطابق، یہ واقعہ صبح تقریباً 10:30 بجے اس وقت پیش آیا جب عبدالعزیز نے نامعلوم حالات میں اچانک دریا میں چھلانگ لگا دی۔ تماشائیوں نے فوری طور پر حکام کو آگاہ کیا۔
واقعے کے فوراً بعد، ایس ڈی آر ایف (اسٹیٹ ڈیزاسٹر ریسپانس فورس)، مقامی رضاکاروں اور جموں و کشمیر پولیس کی ٹیموں نے لاپتہ شخص کا پتہ لگانے کے لیے ریسکیو آپریشن شروع کیا۔ فی الحال سرچ آپریشن جاری ہے۔ مزید تفصیلات کا انتظار ہے۔ (ایجنسیاں)
About the Author
