VDGممبر کے بندوق سے نکلی گولی
35سالہ خاتون کی موت،ملزم گرفتار، مزید تفتیش جاری :پولیس
نیوز ایجنسی
سرینگر: ۹۱،جولائی :ضلع کشتواڑ کے چترو علاقے میں جمعہ کودیر رات ایک ولیج ڈیفنس گارڈ (VDG) ممبر کے ہتھیار سے نکلی گولی لگنے سے ایک35سالہ خاتون کی موت واقعہ ہو گئی۔اس واقعہ کی مناسبت سے متضاد اطلاعات ملی ہیں ۔جے کے این ایس کے مطابق ایک اعلیٰ پولیس افسر نے بتایا کہ یہ واقعہ کشتواڑ شہر کے سنگ پورہ آریگام گاو¿ں میں پیش آیا۔ متاثرہ کی شناخت 35سالہ پشپا دیوی کے طور پر کی گئی ہے جو مقامی باشندے راکیش کمار کی بیوی ہے ۔ابتدائی اطلاعات کے مطابق فائرنگ حادثاتی تھی۔ افسر نے بتایا کہ خاتون نے موقع پر ہی زخموں کی تاب نہ لاتے ہوئے دم توڑ دیا۔ پولیس نے فائرنگ کی اصل وجو(باقی ۸پر)
ہات جاننے کے لیے تفتیش شروع کر دی ہے۔ایک اور اطلاع کے مطابق 35سالہ پشپا دیوی، زوجہ راکیش کمار ، چترو علاقے کے سنگ پورہ آریگام گاو¿ں میں اپنے گھر سے باہر نکلی تو جمعہ کی دیر رات اسے ولیج ڈیفنس گارڈ (وی ڈی جی) سندیپ کمار ولد رام لال ساکن سنگھ پورہ کی بندوق سے لگنے والی گولی لگ گئی۔بتایا گیا کہ خاتون ملزم کے کزن بھائی کی بیوی ہے۔حکام نے بتایا کہ خاتون کی موقع پر ہی موت ہو گئی۔انہوں نے بتایا کہ مقدمہ درج کر لیا گیا ہے اور ملزم کو حراست میں لے لیا گیا ہے۔حکام نے بتایا کہ فائرنگ کی وجہ معلوم کرنے کے لیے مزید تفتیش جاری ہے،آیا گولی جان بوجھ کر چلائی گئی یا غلطی سے۔
About the Author
