سٹی ایکسپریس نیوز
پونچھ، 3 جولائی،2026: پونچھ کے علاقے سورن کوٹ میں مغل روڈ پر واقع چھٹا پانی کے مقام پر جمعہ کے روز ایک کار اور موٹر سائیکل کے درمیان آمنے سامنے کی ٹکر میں موٹر سائیکل سوار اور اس کے پیچھے بیٹھے شخص سمیت دو افراد زخمی ہو گئے۔
واقعے کی تصدیق کرتے ہوئے بلاک میڈیکل آفیسرسورن کوٹ ڈاکٹر محمد یوسف چودھری نے خبر رساں ادارہ کو بتایا کہ ایمبولینس بروقت جائے وقوعہ پر پہنچ گئی اور زخمیوں کو فوری طور پر ہسپتال منتقل کر دیا گیا۔ ڈاکٹر چودھری نے مزید کہا کہ دونوں زیرِ علاج ہیں اور انہیں سب ڈسٹرکٹ ہسپتال سورن کوٹ میں طبی امداد دی جا رہی ہے۔
زخمیوں میں سے ایک کی شناخت ساگر (34 سال) ولد ست پال، ساکن لڈھانہ کے طور پر ہوئی ہے۔ زخمیوں کو ابتدائی طبی امداد کے لیے فوری طور پر پی ایچ سی چنڈی مرہ منتقل کیا گیا اور بعد ازاں مزید طبی علاج کے لیے سب ڈسٹرکٹ ہسپتال سورن کوٹ ریفر کر دیا گیا۔
پولیس نے واقعے کا نوٹس لے لیا ہے اور مزید کارروائی جاری ہے۔
About the Author
