نئی دہلی، 2 نومبر,2026: پنجاب اسمبلی انتخابات سے قبل عام آدمی پارٹی کو اس وقت ایک دھچکا لگا جب پیر کے روز پارٹی کے تین رہنماؤں نے، جن میں کنور وجے پرتاپ سنگھ اور دو دیگر قانون ساز شامل ہیں، بی جے پی میں شمولیت اختیار کر لی۔ دن کے اوائل میں، عام آدمی پارٹی کے معطل رکن اسمبلی اور سابق آئی پی ایس افسر کنور وجے پرتاپ سنگھ نے بتایا کہ انہوں نے پنجاب ودھان سبھا کی رکنیت سے استعفیٰ دے دیا ہے۔ فیس بک پر ایک پوسٹ میں، امرتسر نارتھ (شمالی) حلقے سے رکن اسمبلی سنگھ نے کہا کہ انہوں نے اپنا استعفیٰ اسپیکر کلطار سنگھ سندھواں کو بھیج دیا ہے۔ سنگھ نے پنجاب کے دیگر دو ارکان اسمبلی، چیتن سنگھ جوراماجرا اور ہر سنگھ پٹھان ماجرا کے ہمراہ، یہاں بی جے پی کے ہیڈکوارٹر میں پارٹی کے سینئر رہنماؤں کی موجودگی میں بی جے پی میں شمولیت اختیار کی۔ پنجاب اسمبلی سے ان کا یہ استعفیٰ ایسے وقت میں سامنے آیا ہے جب عام آدمی پارٹی کے دو دیگر قانون سازوں — سمانہ سے چیتن سنگھ جوراماجرا اور پٹیالہ ضلع کے سنور سے ہرسنگھ پٹھان ماجرا نے اتوار کے روز پارٹی سے استعفیٰ دے دیا تھا۔ (ایجنسیاں)
