سیکورٹی میں کوئی کوتاہی نہیں ،فورسز چوکنا
فورسز،دہشت گردوں کومناسب جواب دے رہی ہیں: راجناتھ سنگھ
نیوزسروس
سری نگر:۲،نومبر:جموں و کشمیر میں حالیہ دہشت گردانہ حملوں کو بدقسمتی قرار دیتے ہوئے، وزیر دفاع راج ناتھ سنگھ نے ہفتہ کو کہا کہ سیکورٹی میں کوئی کوتاہی نہیں ہے، انہوں نے مزید کہا کہ سیکورٹی فورسز دہشت گردوں کو مناسب جواب دے رہی ہیں۔راجناتھ سنگھ نے دعویٰ کیا کہ کشمیر وادی میں ہونے والے حملوں کی تعداد پہلے کے مقابلے میں کم ہوئی ہے۔اُترپردیش کے شہر کانپور میں نامہ نگاروں سے بات کرتے ہوئے وزیر دفاع راج ناتھ سنگھ نے کہاکہ یہ سیکورٹی کی خامیوں کا مسئلہ نہیں ہے ۔انہوں نے کہاکہ پہلے کے مقابلے میں حملوں میں کمی آئی ہے۔وزیر دفاع راج ناتھ سنگھ کاکہناتھاکہ ہماری سیکورٹی فورسز چوکس ہیں۔انہوںنے یقین کااظہارکیاکہ ایسی صورتحال آئے گی کہ جموں وکشمیرسے دہشت گردانہ سرگرمیوں کا مکمل صفایا ہو جائے گا اور وہ علاقہ تیزی سے ترقی کرے گا۔وزیر دفاع راج ناتھ سنگھ نے کہا کہ جو ملی ٹنٹ حملے ہوئے وہ بدقسمتی تھے، ہماری سیکورٹی فورسز بھی بھرپور جواب دے رہی ہیں، بہت سے دہشت گرد مارے گئے ہیں۔
