عوامی تقسیم کاری نظاممیںشامل کرنے کا حکم جاری
ہر اہل شہری کی خوراک تک رسائی کو یقینی بنانا ہماری اولین ترجیح:وزیراعلیٰ
نیوزسروس
سری نگر:۶،مئی:وزیر اعلیٰ عمر عبداللہ نے منگل کو کہا کہ ہر اہل شہری کو خوراک کی حفاظت تک رسائی کو یقینی بنانا ہماری اولین ترجیح ہے۔اس دوران جموں و کشمیر حکومت نے 6 سال یااسے زیادہ عمر یا6سال کی عمر کوپہنچنے والے بچوں، بیواو¿ں اورطلاق یافتہ افرادکوعوامی تقسیم کاری نظام یعنی پبلک ڈسٹری بیوشن سسٹم (پی ڈی ایس) میں شامل کرنے کا حکم دیا ہے۔ حکومت کے کمشنر سکریٹری زبیر احمد کی طرف سے5مئی 2025کو جاری کردہ حکومتی حکم نامہ زیرنمبر (34-JK-FCS&CA) آف 2025 کے تحت تازہ ترین ہدایت کے مطابق، 6 سال یااسے زیادہ عمر یا6سال کی عمر کوپہنچنے والے بچوں کو اب مناسب زمروں جیسے AAY، PHH، NPHH، یا اخراج کے تحت ان کے خاندانی راشن کارڈ میں شامل کیا جائے گا۔آرڈر میں یہ بھی ہدایت دی گئی ہے کہ کوئی بھی اہل شخص جو ابھی تک پی ڈی ایس کے تحت نہیں آیا ہے، اسے اصولوں کے مطابق پبلک ڈسٹری بیوشن سسٹم (PDS) میں شامل کیا جائے۔اس کے علاوہ، حکومت نے فیصلہ کیا ہے کہ بیواو¿ں اور طلاق یافتہ افراد جو فی الحال پبلک ڈسٹری بیوشن سسٹم (پی ڈی ایس) میں کے تحت نہیں آتے ہیں، انہیں PHH، NPHH، یا اخراج زمروں کے تحت الگ الگ راشن کارڈ جاری کیے جائیں گے جو ان کی مالی حالت اور NFSA قوانین کے تحت اہلیت کے لحاظ سے ہیں۔اس دوران وزیر اعلیٰ کے آفس نے جاری گورنمنٹ آرڈرکوایکس ہینڈل پرشیئر کرتے ہوئے وزیراعلیٰ عمرعبداللہ کے حوالے سے منگل کو کہا کہ ہر اہل شہری کو خوراک کی حفاظت تک رسائی کو یقینی بنانا ہماری اولین ترجیح ہے۔ انہوں نے کہا کہ6 سال یا اس سے زیادہ عمر کے بچوں کےساتھ ساتھ بیواو¿ں اور طلاق یافتہ افراد کو پہلے چھوڑ دیا گیا تھا، اب انہیں عوامی تقسیم کے نظام کے تحت شامل کیا جائے گا۔وزیراعلیٰ نے مزیدکہاکہ یہ جامع، ہمدردانہ، اور عوام کی پہلی حکومت کی جانب ایک فیصلہ کن قدم ہے۔
1,081
