سٹی ایکسپریس نیوز
جموں، 13 اکتوبر2025: الیکشن کمیشن آف انڈیا (ای سی آئی) نے جموں و کشمیر کے مرکز کے زیر انتظام علاقے 27-بڈگام اور 77- نگروٹا میں دو خالی اسمبلی حلقوں کے لیے ضمنی انتخابات کا اعلان کیا ہے تاک عمرعبداللہ کےاستعفیٰ اور دیویندر سنگھ رانا کا انتقال سے پیدا ہونے والی آسامیوں کو پُر کیا جا سکے۔ ۔
یہ اعلانات 13 اکتوبر 2025 کو جموں و کشمیر کے سرکاری گزٹ میں شائع ہونے والے علیحدہ نوٹیفکیشنز کے ذریعے کیے گئے۔
ای سی آئی کے نوٹیفیکیشن کے مطابق، دونوں اسامیوں کو عوامی نمائندگی ایکٹ 1951 (1951 کا 43) کی دفعہ 150 اور سیکشن 30 اور 56 کے تحت ضمنی انتخابات کے ذریعے پُر کیا جانا ہے۔ کمیشن نے ہدایت کی ہے کہ دونوں حلقوں میں انتخابات 16 نومبر 2025 سے پہلے مکمل کر لیے جائیں۔
مطلع شدہ شیڈول کے مطابق، کاغذات نامزدگی داخل کرنے کی آخری تاریخ 20 اکتوبر 2025 (پیر) ہے، کاغذات نامزدگی کی جانچ پڑتال 22 اکتوبر 2025 (بدھ) کو ہوگی اور کاغذات نامزدگی واپس لینے کی آخری تاریخ 24 اکتوبر 2025 (جمعہ) ہے۔ اگر ضروری ہوا تو، پولنگ 11 نومبر 2025 (منگل) کو کرائی جائے گی، جس میں 16 نومبر 2025 (اتوار) تک انتخابی عمل مکمل ہو جائے گا۔
پولنگ کے اوقات صبح 7 بجے سے شام 6 بجے تک مقرر کیے گئے ہیں۔ یہ نوٹیفکیشن بھارت کے الیکشن کمیشن کے سکریٹری سمن کمار داس کے ذریعہ جاری کیے گئے اور انیل سالگوترا، جے کے اے ایس، جوائنٹ چیف الیکٹورل آفیسر، جموں و کشمیر یونین ٹیریٹری نے دستخط کیے۔
About the Author
