سٹی ایکسپریس نیوز
کولگام،1 نومبر،2024: جنوبی کشمیر کے کولگام ضلع کے دادر کوٹ علاقے میں آگ لگنے کے واقعے میں تین رہائشی مکانات جل کر خاکستر ہو گئے۔
ایک اہلکار نے بتایا کہ آگ کل دیر رات لگی جس سے چار ڈھانچے بشمول تین ڈبل منزلہ مکانات اور ایک گائے کے شیڈ کو نقصان پہنچا۔ ان کا کہنا تھا کہ واقعے میں کوئی جانی نقصان نہیں ہوا جب کہ آگ لگنے کی وجہ شارٹ سرکٹ معلوم ہوتی ہے۔
دریں اثناء سوپور کے تارزو گاؤں میں آج علی الصبح آتشزدگی کے واقعہ میں دو دکانوں کو نقصان پہنچا۔
ایک اہلکار نے بتایا کہ آگ لگنے کی وجہ معلوم کی جارہی ہے جبکہ آگ پرقابو پالیا گیا ہے۔ (ایجنسیاں)
