سٹی ایکسپریس نیوز
اننت ناگ؛ 24 مارچ 2026: منشیات کی اسمگلنگ کی لعنت کے خلاف اپنی مسلسل مہم کو جاری رکھتے ہوئے، اننت ناگ پولیس نے دو الگ الگ ناکہ چیکنگ کارروائیوں میں منشیات فروشوں کو پکڑ کر اور کافی مقدار میں ممنوعہ اشیاء برآمد کرکے اہم کامیابی حاصل کی۔
پہلے واقعہ میں، تھانہ بجبہاڑہ کی ایک پولیس پارٹی نے درہ شکوا کراسنگ، بجبہاڑہ پر ایک ناکا لگایا۔ چیکنگ کے دوران دو افراد جن کی شناخت مدثر احمد بھٹ ولد عبدالرحمن بھٹ ساکن استن پورہ ویری اور محمد یونس صوفی ولد عبدالرشید صوفی ساکن گوری کندر پورہ کے طور پر کی گئی۔ تلاشی لینے پر ان کے قبضے سے 2.071 کلو گرام چرس (پاؤڈر نما مادہ) برآمد ہوئی۔
اس کے مطابق، مقدمہ ایف آئی آر نمبر 66/2026 این ڈی پی ایس ایکٹ کی دفعہ 8/20-29 کے تحت پولس اسٹیشن بجبہاڑہ میں درج کرکے تحقیقات شروع کردی گئی ہے۔
ایک اور واقعہ میں، جبلی پورہ کے فروٹ منڈی کے قریب اروانی انڈر برج پر ایک پولیس پارٹی نے ناکہ چیکنگ کے دوران ایک اور منشیات فروش کو گرفتار کیا جس کی شناخت سجاد احمد وگے ولد عبدالرشید واگے ساکن گوری کندر پورہ کے طور پر کی گئی۔ تلاشی کے دوران اس کے قبضے سے 1.041 کلو گرام چرس (پاؤڈر نما مادہ) برآمد ہوئی۔
اس سلسلے میں این ڈی پی ایس ایکٹ کی دفعہ 8/20 کے تحت مقدمہ ایف آئی آر نمبر 67/2026 درج کیا گیا ہے اور مزید تفتیش جاری ہے۔
About the Author
