پولیس نے بنایاسری نگرمیںجموں وکشمیر کانگریس کے احتجاج کو ناکام
نیوز ایجنسی
سرینگر: ۹۱،جولائی : پولیس نے ہفتہ کے روز یہاں کانگریس لیڈروں اور کارکنوں کے احتجاجی مارچ کو ناکام بنا دیا، جس میں جموں و کشمیر کو ریاست کا درجہ بحال کرنے کا مطالبہ کیا جا رہا تھا۔ جموں و کشمیر پردیش کانگریس کمیٹی کے صدر طارق حمید قرہ کی قیادت میں کارکنان یہاں پارٹی دفتر میں جمع ہوئے، اور میمورنڈم پیش کرنے کے لیے ڈویڑنل کمشنر کے دفتر کی طرف مارچ کرنے کے منصوبے کےساتھ نکلنے کی کوشش کی۔تاہم، پولیس اہلکاروں نے مارچ کو روکتے ہوئے پارٹی دفتر کے مرکزی دروازے کو باہر سے بند کر دیا۔صحافیوں سے بات کرتے ہوئے طارق حمید قرہ نے کہا کہ انہیں پولیس نے احتجاجی مارچ نکالنے سے روک دیا۔انہوں نے کہا، ”ہم ریاست کے لیے اپنے مطالبے کو دہرانا چاہتے تھے اور اپنے مطالبات پر ایک میمورنڈم پیش کرنا چاہتے تھے۔ طارق حمید قرہ نے کہا کہ پارٹی کے کئی لیڈروں کو کانگریس دفتر پہنچنے سے روک دیا گیا۔انہوںنے کہاکہ ہمیں اطلاع ملی ہے کہ ہمارے بہت سے رہنماو¿ں اور کارکنوں کو مختلف مقامات پر روکا گیا ہے اور انہیں یہاں پہنچنے کی اجازت نہیں دی گئی ہے۔ یہ انتظامیہ کی جانب سے ایک غیر جمہوری عمل ہے، اور یہ ان کی مایوسی کا اظہار کرتا ہے ۔بعد ازاں مظاہرین پرامن طور پر منتشر ہوگئے۔ (ایجنسیاں)
About the Author
