اگر مرکز نے نہیں دیا توہم دیکھیں گے کیا کرنا ہے: فاروق عبداللہ
وزیراعظم کیساتھ معاملہ اُٹھانے پر کانگریس لیڈرشپ کو مبارکباد
نیوز ایجنسی
سرینگر: ۸۱،جولائی : حکمران جماعت نیشنل کانفرنس کے صدر فاروق عبداللہ نے جمعہ کو کانگریس کو مبارکباد دی کہ قومی سطح کی پارٹی نے وزیر اعظم نریندر مودی کو خط لکھ کر جموں و کشمیر کو ریاست کا درجہ بحال کرنے کا مطالبہ کیا ۔جے کے این ایس کے مطابق سری نگرمیں نامہ نگاروں سے بات کرتے ہوئے ڈاکٹر فاروق نے کہاکہ میں کانگریس صدر ملیکارجن کھرگے اورلوک سبھامیں اپوزیشن کے لیڈر راہول گاندھی کو مبارکباد پیش کرتا ہوں جنہوں نے اس مسئلہ کو وزیر اعظم نریندر مودی کےساتھ اٹھایا ۔ فاروق عبداللہ نے کہاکہ19 جولائی کی شام کو تمام لیڈروں کی میٹنگ ہوگی جس میں یہ مسئلہ دوبارہ اٹھایا جائے گا۔ ڈاکٹر عبداللہ،راہول گاندھی اور کھرگے کے وزیر اعظم مودی کو لکھے گئے خط کے بارے میں سوال کا جواب دے رہے تھے جس میں پارلیمنٹ کے آئندہ مانسون اجلاس کے دوران جموں و کشمیر کو ریاست کا درجہ بحال کرنے کا مطالبہ کیا گیا تھا۔یہ پوچھے جانے پر کہ کیا مرکز جموں و کشمیر کو ریاست کا درجہ بحال کرے گا، سابق وزیراعلیٰ نے کہا کہ یہ لوگوں کا حق ہے۔اُن کا کہناتھاکہ کیوں نہیں؟ یہ ہمارا حق ہے۔ اگر وہ نہیں کرتے تو ہم دیکھیں گے،۔پہلگام حملے میں ملوث ہونے کے لیے امریکی دہشت گرد تنظیم دی ریزسٹنس فرنٹ (ٹی آر ایف) کو غیر ملکی دہشت گرد گروپ کے طور پر نامزد کرنے کے بارے میں پوچھے جانے پرفاروق عبداللہ نے کہا کہ یہ تبصرہ کرنا قبل از وقت ہے کیونکہ واقعہ ابھی زیر تفتیش ہے۔انہوںنے مزیدکہاکہ وہ (پہلگام حملہ) زیر تفتیش ہے۔ جب تک تحقیقات مکمل نہیں ہو جاتی، اس پر تبصرہ کرنا غلط ہوگا۔
About the Author
