کشمیروادی کے 47اسمبلی حلقوںمیں اسمبلی حلقہ لولاب کپوارہ سرفہرست
پائیدان پرچھٹے نمبرکیساتھ اسمبلی حلقہ سوپورمیں فی منصوبہ اوسط لاگت 5.12 لاکھ روپے کیساتھ کل 85ترقیاتی کام زیرعمل ،عوامی حلقوں کی سراہنا
بلال احمد
سوپور:۳ ،اکتوبر:جموں و کشمیر حکومت کی جانب سے نافذ کردہ’حلقہ جاتی ترقیاتی فنڈ‘(CDF) اسکیم کے تحت، قانون ساز اسمبلی کے ہر رکن (MLA) کو سالانہ 4 کروڑ روپے مختص کئے جاتے ہیں۔جموں ڈویژن کی طرح ہی کشمیروادی کے 47 اسمبلی حلقوں کےلئے، فی حلقہ تجویز کردہ ترقیاتی کاموں کی اوسط مالی حد سختی کےساتھ4 کروڑ روپے مالی سال 2025-26 مقرر کی گئی ہے،اوریوں ممبران اسمبلی کو اپنے حلقوں میں ترقیاتی اورعوامی فلاح وبہبودکے کاموں کیلئے کل 188کروڑ روپے فراہم یاواگزار کئے گئے ۔کس ممبراسمبلی نے اپنے حلقے میں CDFمیں سے کتنی رقم خرچ کی ،کتنے ترقیاتی کاموں کی سفارش کی ،کتنے ایسے کاموں کو منظوری ملی ،اسکی سرکاری طورپرکسی ویب سائٹ پرکوئی معلومات دستیاب نہیں۔تاہم حق اطلاع قانون کے تحت حاصل کردہ معلومات سے کچھ ایسے حقائق سامنے آئے ہیں ،جو چونکا دینے والے ہیں ،اور جن معلومات سے یہ اندازہ لگایاجاسکتا ہے کہ کون ساممبراسمبلی اپنے حلقے میں رہنے والے لوگوں کی زندگیوںکو آسان بنانے اور ترقیاتی عمل کو آگے لے جانے میں سنجیدہ اور فکرمند ہے ۔وادی کشمیر کے 47اسمبلی حلقوں میں تجویز کردہ کاموں کی حلقہ وار اوسط لاگت کاایک گراف یا پیمانہ سامنے آیاہے ۔اس گراف کے مطابق سب سے زیادہ مختص حلقہ جاتی ترقیاتی فنڈصرف کرنے اور ترقیاتی کاموں کو منظور کروانے میں وادی کے ٹاپ 10اسمبلی حلقے کی فہرست کچھ یوں سامنے آئی ہے ۔اسمبلی حلقہ لولاب کپوارہ سرفہرست ہے ،جبکہ حلقہ رفیع آباد بارہمولہ دوسرے پائیدان پر ہے ،ڈی ایچ پورہ کولگام تیسر ے نمبر پر ہے ۔اسکے بعد عیدگاہ ضلع سری نگر،ہندوارہ ضلع کپوارہ اور سوپور ضلع بارہمولہ بالترتیب چوتھے ،پانچویں اور چھٹے نمبر پر ہیں ۔گریز بانڈی پورہ ساتویں ،پہلگام اننت ناگ آٹھویں ،ڈورو اننت ناگ نویں اور گلمرگ بارہمولہ دسویں نمبر پر ہے ،جہاں حلقہ ترقیاتی فنڈ کا زیادہ سے زیادہ استعمال کیاجارہاہے اورترقیاتی کام جاری ہیں ۔حلقہ جاتی ترقیاتی فنڈ برائے مالی سال2025-26کی ایک رپورٹ کے مطابق، فی ترقیاتی کام اوسط لاگت کے(باقی ۵پر)
لحاظ سے وادی کشمیر میں اسمبلی حلقہ سوپور چھٹے نمبر پر ہے، جہاں فی منصوبہ اوسط لاگت 5.12 لاکھ روپے ہے۔ دستیاب اہم اعداد و شمارکے مطابق اسمبلی حلقہ سوپور میں متعلقہ ممبراسمبلی کی سفارش پرکل 85ترقیاتی کام ہاتھ میں لئے گئے ہیں ،جن میں کچھ مکمل ہوئے ہیں اور کچھ زیرتکمیل ہیں ۔ان 85ترقیاتی کاموں پر کل لاگت: 435.34 لاکھ روپے یعنی کل ملاکر 4کروڑ35لاکھ 34ہزار روپے بنتی ہے ۔
About the Author
