بارشوں کے باوجود یاترا خوش اسلوبی سے جاری
تاحال 2 لاکھ34ہزار سے زیادہ یاتریوں نے کیا درشن :صوبائی کمشنرکشمیر
نیوزایجنسی
سری نگر: ۶۱،جولائی :ڈویژنل کمشنر کشمیر نے امرناتھ یاترا کی معطلی سے متعلق سوشل میڈیا رپورٹس کی تردید کی۔ انہوں نے کہاکہ امرناتھ یاترا آسانی سے آگے بڑھ رہی ہے۔ اب تک2 لاکھ34ہزار سے زیادہ یاتریوں نے درشن کیا ہے۔جے کے این ایس کے مطابق ڈویڑنل کمشنر کشمیر نے کچھ سوشل میڈیا پلیٹ فارمز پر گردش کرنے والی معطلی کی خبروں کو مسترد کرتے ہوئے کہاکہ امرناتھ یاترا 2025 بغیر کسی رکاوٹ کے آگے بڑھ رہی ہے، اورمقدس غار
کی طرف جانے والے کسی بھی راستے پر کسی رکاوٹ کی اطلاع نہیں ہے۔گمراہ کن اطلاعات پر ردعمل ظاہر کرتے ہوئے ڈویڑنل کمشنر نے واضح کیا کہ یاتری مسلسل سفر کر رہے ہیں اور بغیر کسی رکاوٹ کے بابا برفانی کے درشن حاصل کر رہے ہیں۔انہوںنے کہاکہ یاترا خوش اسلوبی سے جاری ہے۔ 15 جولائی 2025 تک 2 لاکھ34ہزار سے زیادہ یاتریوں نے درشن کیا ہے۔ڈویژنل کمشنر کشمیر نے کہاکہ آج، 16 جولائی کو، یاتری بلتل اور پہلگام دونوں راستوں سے بغیر کسی رکاوٹ کے آگے بڑھ رہے ہیں۔حکام نے میڈیا آو¿ٹ لیٹس پر زور دیا کہ وہ یاترا سے متعلق اپ ڈیٹس شائع کرنے یا گردش کرنے سے پہلے سرکاری ذرائع سے تمام معلومات کی تصدیق کریں، تاکہ یاتریوں اور عوام میں غیر ضروری گھبراہٹ یا الجھن سے بچا جا سکے۔عوام کو بھی سختی سے مشورہ دیا گیا ہے کہ وہ یاترا کے بارے میں درست اور بروقت معلومات کے لیے صرف سرکاری اپڈیٹس پر انحصار کریں۔یاد رہے کہ سال2022میں8 جولائی کو امرناتھ گپھا کے قریب بادل پھٹنے کے سبب پیدا ہوئی سیلابی صورتحال میں سولہ افراد ہلاک جبکہ چالیس کے قریب لاپتہ ہو گئے تھے۔ ادھر، رواں برس اب تک، حکام کے مطابق،2سے زائد یاتریوں نے پوتر گھپا کے درشن کئے ہیں۔
About the Author
