سٹی ایکسپریس نیوز
نئی دہلی، 24 اگست،2026: سپریم کورٹ نے پیر کے روز مرکزی اور ریاستی حکومتوں کو ایک عرضی پر نوٹس جاری کیے جس میں جھارکھنڈ کمبائنڈ سول سروسز ابتدائی امتحان میں مبینہ بے ضابطگیوں کی سی بی آئی کے ذریعے آزادانہ اور مقررہ مدت میں تحقیقات کا مطالبہ کیا گیا ہے۔
چیف جسٹس سوریا کانت اور جسٹس جویمالیا باگچی اور جسٹس وی موہنا پر مشتمل بنچ نے حکومت ہند، جھارکھنڈ حکومت، جھارکھنڈ پبلک سروس کمیشن اور دیگر فریقین سے جواب طلب کیا۔
درخواست گزار کی جانب سے پیش ہونے والے سینئر وکیل منن کمار مشرا نے کہا کہ اس عرضی میں سی بی آئی انکوائری یا عدالت کے کسی سابق جج کے ذریعے تحقیقات کا مطالبہ کیا گیا ہے۔
عدالتِ عظمیٰ، سماجی کارکن ہری شرن دیوگن کی جانب سے وکیل ستیم سنگھ راجپوت کے ذریعے دائر کردہ ایک عرضی کی سماعت کر رہی تھی۔
عرضی میں کہا گیا ہے، "آئینِ ہند کے آرٹیکل 32 کے تحت یہ رٹ پٹیشن عوامی مفاد میں دائر کی جا رہی ہے، جس میں عدالت سے فوری مداخلت کی استدعا کی گئی ہے۔ یہ مداخلت ‘جھارکھنڈ کمبائنڈ سول سروسز ابتدائی مسابقتی امتحان 2025’ کی سالمیت، شفافیت، غیر جانبداری اور ساکھ سے متعلق سنگین اور اہم خدشات کے پیشِ نظر طلب کی گئی ہے؛ یہ امتحان فریق نمبر 2، یعنی جھارکھنڈ پبلک سروس کمیشن کی جانب سے 19 اپریل 2026 کو جاری کردہ اشتہار نمبر 01/2026 کے تحت منعقد کیا گیا تھا۔” (ایجنسیاں)
About the Author
