چندافراد کے مبتلاءہونے کاانکشاف
پانی کی جانچ شروع،لوگوںکوحفظان صحت برقرار رکھنے کا مشورہ
جے کے این ایس
ترال : ۸۱،جولائی :جنوبی کشمیر کے پلوامہ ضلع کے ترال علاقے کے مندورہ گاو¿ں سے یرقان کے چند معاملات سامنے آئے ہیں، جس نے محکمہ صحت کے ساتھ جل شکتی محکمے کو فوری روک تھام اور بیداری کے اقدامات شروع کرنے پر آمادہ کیا ہے۔نیوز ایجنسی کے مطابق مندورہ ترال کے لوگوں نے بتایا کہ یرقان کے چند کیس رپورٹ ہوئے ہیں اور یہ ناصاف پانی کی وجہ سے ہو سکتا ہے جس کی فوری جانچ کی ضرورت ہے۔ان کا کہنا تھا کہ علاقے میں پانی کے بہت سے ذرائع ہیں اور مناسب تجزیہ کے لئے ہر ذریعہ کے پانی کو چیک کرنے کی ضرورت ہے۔حکام نے تصدیق کی کہ پانی کے نمونے تفصیلی تجزیہ کے لیے جمع کر
لیے گئے ہیں اور صورتحال قابو میں ہے۔محکمہ صحت اور جل شکتی محکمہ کے افسران کی ایک مشترکہ ٹیم کے ساتھ ساتھ کمیونٹی ہیلتھ ورکرز کے ذریعہ موقع پر پانی کے معیار کی جانچ کی گئی۔ آلودگی کے امکان کا اندازہ لگانے کے لئے علاقے میں پانی کے مختلف ذرائع سے نمونے لیے گئے۔ایک اہلکار نے بتایا کہ جانچ کے علاوہ، ٹیم نے مقامی آبادی، اسکول کے بچوں اور دیگر لوگوں کے ساتھ بیداری کے وسیع سیشنز کا انعقاد کیا۔ اہلکار نے کہاکہ ہم نے باشندوں کو پانی کے تحفظ، حفظان صحت کی دیکھ بھال، اور یرقان جیسی پانی سے پیدا ہونے والی بیماریوں سے بچنے کے لیے احتیاطی تدابیر کے بارے میں آگاہ کیا۔مقامی لوگوں نے صحت کے خدشے پر تشویش کا اظہار کیا تاہم انتظامیہ کی بروقت مداخلت کو سراہا۔ مندورہ کے ایک رہائشیوں نے کہاہم خاص طور پر اپنے بچوں کے لیے پریشان ہیں، لیکن شکر گزار ہیں کہ حکام نے فوری اقدامات کیے ہیں۔صحت کے حکام نے عوام پر زور دیا کہ گھبراہٹ کی کوئی ضرورت نہیں ہے ور انہیں صرف ابلا ہوا پانی پینے اور ذاتی اور ماحولیاتی حفظان صحت کو برقرار رکھنے کا مشورہ دیا۔ انہوںنے کہاکہ یرقان کیسوں کی تعداد محدود ہے۔ ہم صورت حال کو قریب سے مانیٹر کر رہے ہیں اور ہر احتیاط کو یقینی بنا رہے ہیں۔حکام نے بتایا کہ علاقے میں پانی کے کچھ ذرائع کے قریب جگہیں انتہائی غیر صحت بخش ہیں کیونکہ مقامی لوگوں نے تمام گندگی ان آبی ذخائر کے قریب پھینک دی ہے اور آبی ذخائر کے ارد گرد کے علاقے کو صاف کیا جا رہا ہے اور مقامی لوگوں سے درخواست کی گئی ہے کہ وہ اس سے پرہیز کریں۔
About the Author
