مبینہ طورپرراستہ بھول کر LOCکے اِسپار داخل
سرحدپارکی 17سالہ لڑکی زیرحراست
نوعمر دوشیزہ سے ضروری پوچھ تاچھ جاری :حکام
نیوزایجنسی
سری نگر:۳ ،اکتوبر:جموں و کشمیر کے ضلع راجوری کے نوشہرہ سیکٹر میں لائن آف کنٹرول پر تعینات فوج نے حدود کی خلاف ورزی کرنے والی پاکستان کے زیرقبضہ جموں و کشمیر کی ایک17 سالہ لڑکی کو حراست میں لےکر مقامی پولیس کے حوالے کر دیا ہے۔جے کے این ایس کے مطابق سرکاری ذرائع نے بتایاکہ یہ واقعہ نوشہرہ کے لام سیکٹر میں پیش آیا جہاں سرحد پر تعینات فوجی گشتی دستے نے ایک لڑکی کی مشتبہ نقل و حرکت دیکھی۔ وہ لائن آف کنٹرول عبور کر کے بھارتی حدود کے اندر داخل ہو چکی تھی، جس پر فوج نے فوری کارروائی کرتے ہوئے اسے اپنی تحویل(باقی ۵پر)
میں لے لیا۔حراست میں لی گئی لڑکی کی شناخت سمیہ عظیم دختر محمد عظیم کے طور پر ہوئی ہے، جوپاکستان کے زیرقبضہ جموں و کشمیر کے علاقہ خوئی رٹہ کی رہائشی بتائی جاتی ہے۔ فوجی حکام کی جانب سے کی گئی ابتدائی پوچھ گچھ کے بعد، سرحدپارکی 17سالہلڑکی کو مزید تفتیش اور قانونی کارروائی کےلئے نوشہرہ پولیس کے سپرد کر دیا گیا ہے۔پولیس ذرائع کا کہنا ہے کہ 17سالہ سمیہ عظیم سے پوچھ گچھ کا سلسلہ جاری ہے۔ دورانِ تفتیش لڑکی نے مبینہ طور پر بتایا ہے کہ وہ جان بوجھ کر سرحدکے اس پار نہیں آئی بلکہ نادانستہ طور پر (غلطی سے) راستہ بھول کر لائن آف کنٹرول عبور کر کے اس طرف آ گئی تھی۔ سکیورٹی ایجنسیاں اس معاملے کی تمام زاویوں سے باریک بینی سے جانچ کر رہی ہیں۔
About the Author
