49مہینوںمیں 9387 افرادکاعلاج
2018 سے ابتک کم از کم17افرادکی خودکشیاں
نیوزایجنسی
سری نگر:۴۲، جولائی:حکام نے انکشاف کیاہے کہ 2021سے جنوری 2025تک کشمیرمیں منشیات کی لت میںمبتلائ9387 مریضوں کا منشیات کے علاج کیلئے مخصوص کلینک میںعلاج کیاگیا۔جے کے این ایس کے مطابق انسٹی ٹیوٹ آف مینٹل ہیلتھ اینڈ نیورو سائنسز (IMHANS) کشمیر کے ڈرگ ٹریٹمنٹ کلینک نے 2021-22 میں منشیات کی لت میں مبتلاء3207 نئے کیسوں(مبتلاءافراد)کی رجسٹریشن کی اطلاع دی، اس کے بعد 2022-23 میں 3334 رجسٹریشن ہوئے۔متعلقہ ذرائع کے مطابق سال 2023-24 میں یہ تعداد کم ہو کر 1457 رہ گئی، اور جنوری 2025تک1389 مریض رجسٹرڈ ہوئے۔ مجموعی طور پر، انسٹی ٹیوٹ آف مینٹل ہیلتھ اینڈ نیورو سائنسز (IMHANS) کشمیر نے منشیات کی لت میںمبتلاء9387 مریضوں کا علاج کیا ہے۔اس دوران ایک گہرے انکشاف میں، مرکزی حکومت نے لوک سبھا کو بتایا کہ 2018 سے، کم از کم 17 خودکشیوں کا تعلق جموں و کشمیر میں منشیات کے استعمال اور شراب کی لت سے ہوا ہے۔ اعداد و شمار بحران کی گہرائی اور نشے اور اس کے نتائج سے نمٹنے کے لیے زیادہ مضبوط، کمیونٹی سے چلنے والے ردعمل کی فوری ضرورت کو واضح کرتا ہے۔مرکزی وزارت داخلہ نے مضبوط نفاذ، وسیع بیداری مہم، اور مرکز کے زیر انتظام علاقوں میں علاج اور بحالی کی سہولیات کی توسیع کے ذریعے منشیات کے خطرے کو روکنے کے اپنے عزم کا اعادہ کیا۔
About the Author
