سرحدوں کے محافظ سلامتی اور ترقی کے ضامن
فوجیوں او رسابق فوجیوں کی فلاح و بہبود معاشرے کی اِجتماعی ذمہ داری :منوج سنہا
انفو
اَکھنور /۴۱،جنوری:لیفٹیننٹ گورنر منوج سِنہا نے آرمڈ فورسز ویٹرنزڈے کے موقعہ پر آرمڈ فورسز کے سابق فوجیوں کو خراجِ عقیدت پیش کیا اور اَکھنور میں وزیر دفاع راج ناتھ سنگھ کی صدارت میں منعقدہ یادگاری تقریب میں شرکت کی۔لیفٹیننٹ گورنر نے کہا،”میں تمام سابق فوجیوں، بہادر جوانوں، ویر ناریوں اور ہماری آرمڈ فورسز کے بہادر وں کے اہل خانہ کا شکریہ اَدا کرتا ہوں۔ ہم ہمیشہ اَپنے سابق فوجیوں کے مقروض رہیں گے جنہوں نے ملک کو دشمنوں سے بچایا اور ملک کی سلامتی اور ترقی میں اپنا حصہ اَدا کرتے رہے۔“اُنہوںنے سابق فوجیوں کی نمایاں خدمات کو خراجِ عقیدت پیش کرنے کے لئے سابق فوجیوں کے دِن کو وقف کرنے کے لئے وزیر اعظم نریندر مودی اور وزیر دفاع راج ناتھ سنگھ کا شکریہ اَدا کیا۔ اُنہوں نے آرمڈ فورسزکے جوانوں اور اُن کے اہل خانہ کے مفادات کے تحفظ کے لئے حکومت کے عزم کا اعادہ کیا۔لیفٹیننٹ گورنر نے کہا ،” سرحدوں کی حفاظت کرنے والے فوجی ملک کی سلامتی اور ترقی کے ضامن ہیں۔ یہ سماج کی اِجتماعی ذمہ داری ہے کہ وہ فوجیوں اور سابق فوجیوں کی فلاح و بہبود کے لئے ٹھوس اَقدامات کرے۔“اُنہوںنے کہا کہ اَکھنور کی مبارک سرزمین پر ہمارے سابق فوجیوں کی بہادری اور جرا¿ت کی داستان کے انمٹ نقوش موجود ہے۔ اُنہوں نے کہا کہ وزیر دِفاع کے ذریعے قوم کو وقف کیا گیا 108 فٹ اونچا یادگار قومی پرچم اور اَکھنور ہیرٹیج میوزیم آنے والی نسلوں کو متاثر کرے گا اور ہمیں مادر وطن کے لئے ہمارے بہادرسپاہیوں اور اُن کے اہل خانہ کی بے لوث عقیدت اور قربانیوں کی یاد دِلاتا رہے گا۔لیفٹیننٹ گورنر نے کہا،”شہید کا گھر ایک پوترمندر ہے۔ یہ احساس اور احترام عام آدمی کے ذہنوں میں ہونا چاہئے۔ اِنتظامیہ اور معاشرہ اُن لوگوں کا شکریہ اَدا کر سکتا ہے جنہوں نے اپنی ذمہ داریوں کو پورا کرتے ہوئے ملک کے لئے سب کچھ قربان کر دیا اور اِس بات کو یقینی بنایا کہ وہ آرام اور وقار کی زندگی گزاریں۔“اُنہوںنے مختلف فلاحی پروگراموں کو اُجاگر کیا جو سابق فوجیوں کے بچوں کی تعلیم اور اُن کے بہتر کیریئر کے اِمکانات کے لئے مدد اورسپورٹ فراہم کرتے ہیں۔اِس موقعہ پر لیفٹیننٹ گورنر نے بھارتی فوج کے پہلے کمانڈر اِن چیف فیلڈ مارشل کے ایم کیریپا کو بھی خراجِ عقیدت پیش کیا۔اِس موقعہ پر آرمڈ فورسز کے شہدا¿ کے احترام میں دو منٹ کی خاموشی اِختیار کی گئی ۔سابق فوجیو ںاور ویر ناریوں میںموٹر ائزڈ وہیل چیئرز، ریٹروفٹیڈ سکوٹی جیسی اِمداد تقسیم کی گئی۔
