سری نگر، 7 اگست: جموں و کشمیر پولیس نے پیر کے روز کہا کہ اس نے ایک جوڑے کو آئی پی ایس اور آئی اے ایس افسران کی نقالی کرنے اور ملازمت فراہم کرنے کے بہانے لوگوں کو دھوکہ دینے کے الزام میں گرفتار کیا ہے۔سری نگر پولیس
نے ایک ٹویٹ میں کہا کہ انہوں نے کئی لوگوں کو نوکریوں، تبادلوں اور دیگر سہولیات کا وعدہ کرکے لاکھوں روپے کا دھوکہ دیا۔ان کی شناخت منموہن گنجو ولد لیفٹیننٹ گردھاری لال گنجو ساکن بگاٹ، سری نگر اور ایوش کول گنجو ان کی اہلیہ کے طور پر ہوئی ہے۔منموہن گنجو ایک معطل پولیس اہلکار ہیں۔ لیپ ٹاپ، موبائل جن میں بہت سے جعلی ٹرانسفر اور اپوائنٹمنٹ آرڈرز شامل ہیں جن میں اس کا اپنا آئی پی ایس میں شامل کرنے کا آرڈر بھی شامل ہے۔ اس کے گھر سے دھوکہ دہی سے رکھی گئی نقدی، زیورات اور دیگر مجرمانہ سامان بھی برآمد ہوا،“ پولیس نے ٹویٹ کیا۔پولیس نے بتایا کہ صدر پولیس اسٹیشن میں ایف آئی آر نمبر 73/2023 کے تحت آئی پی سی کی 170,419,420,467,468,471 درج کی گئی ہے۔پولیس ٹویٹ میں مزید کہاگیاہے کہ اب تک 3 متاثرین سامنے آئے ہیں اور اس جوڑے کے ذریعہ دھوکہ دہی کی اطلاع دی گئی ہے۔ عوام سے گزارش ہے کہ ایسے دھوکے بازوں کا شکار نہ ہوں۔ متاثرین کو رپورٹ کرنا چاہیے، اگر وہ اس ’مجرم جوڑے‘ کے ذریعے دھوکہ کھا گئے ہیں۔
316
